Biełaruś – Rasija – 3:4.
Zusim kryšačku nie chapiła zbornaj Biełarusi, kab vyjści ŭ paŭfinał suśvietnaha pieršynstva pa chakiei.Šmat chto dumaŭ, što dla letašnich čempijonaŭ rasijan matč ź biełarusami stanie lohkaj prahułkaj. Dzie tam! Našy, jak i abiacaŭ Andrej Miezin, dali sapraŭdny boj.
Bieł‑čyrvona‑biełyja biełarusy imknulisia nie sastupać supierniku ni na milimietry placoŭki. Tolki poŭnaja samaaddača mahła prynieści vynik, i našy nie škadavali siabie.
Mnohija adznačali, što šancy ŭ biełarusaŭ mohuć źjavicca tolki ŭ tym vypadku, kali nie prapuścim u pieršym pieryjadzie. I heta atrymałasia.
Zatoje ŭ pieryjadzie druhim usio zakruciłasia. Spačatku naš kapitan Kanstancin Kalcoŭ lik adkryŭ. Proškin adyhraŭsia. Antonienka zmoŭ vyvieŭ napierad biełarusaŭ. Namahańniami Aciušova i Frałova supierniki, zdavałasia b, pierałamali chod pajadynku. Adnak na apošniaj chvilinie pieryjadu Rusłan Salej zmoh skarystać bolšaść.
Karvałolna‑validolny adrezak matču atrymaŭsia, kali karystacca leksikaj kamientatara Navickaha.
Skłałasia ŭražańnie, što tolki tady rasijanie zrazumieli, što ŭsio vielmi surjozna, i ŭ ich mohuć uźniknuć vialikija prablemy. U takija momanty zvyčajna na avanscenu vychodziać vialikija hulcy. I ŭ našych supiernikaŭ taki znajšoŭsia — Illa Kavalčuk.
Mienavita jon u siaredzinie treciaha pieryjadu zakinuŭ apošńniuju šajbu ŭ hulni — 3:4.
Našy mieli niekalki niakiepskich šancaŭ, kab znoŭ lik zraŭniać, ale nie pašancavała. Chenłan abdymaŭ paśla hulni svaich chłopcaŭ, jany całkam addalisia baraćbie.
Źmicier Pankaviec
U paŭfinale zbornaja Rasii zhulaje z ZŠA, što vyjhrała svoj čverćfinał u Finlandyi - 3:2.
***
Zbornaja Biełarusi na šlachu da čverćfinału prajhrała Kanadzie (1:6), vyjhrała ŭ Słavakii (2:1, bulity), Vienhryi (3:1), Narviehii (3:2, oviertajm), Finlandyi (2:1, bulity), prajhrała Čechii (0:3).
Padapiečnyja Hlena Chenłana paŭtaryli pośpiech 2006 h., kali taksama vyjšli ŭ płej-of.
A ŭ piatnicu vyznačycca haspadar čempijanatu śvietu pa chakiei 2014 h. Paśla taho, jak Vienhryja vylecieła z elity, našyja šancy na praviadzieńnie pieršynstva rezka vyraśli. Našyja supierniki - Łatvija i Ukraina.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary