Na čempijanacie śvietu pa chakiei ŭ šviejcarskich Biernie i Kłatenie vyznačylisia dva niaŭdačniki, jakija vymušanyja pakinuć elitny dyvizijon. Heta zbornyja Vienhryi i Aŭstryi.
Pryčym vienhierskaja družyna, što prabiłasia ŭ top‑dyvizijon paśla 70‑hadovaha pierapynku, zhubiła elitnuju prapisku jašče za tur da zakančeńnia turniru za vyžyvańnie, sastupiŭšy aŭstryjcam (0:6) i datčanam (1:5).
Siońnia zbornaja Vienhryi prajhrała jašče i zbornaj Hiermanii — 1:2.
Zbornaja Hiermanii zaniała ŭ kvartecie aŭtsajderaŭ pieradapošniaje, treciaje miesca. Ale, niahledziačy na heta, jana ŭsio roŭna zastaniecca ŭ najmacniejšym dyvizijonie, bo čempijanat śvietu‑2010 projdzie ŭ niamieckich haradach Kioln i Manhiejm.
Jašče adno miesca ŭ elicie siońnia asprečvali ŭ vočnym dvuboi datčanie i aŭstryjcy: 5:2.
Vynikovaje stanovišča kamand u turniry za vyžyvańnie: Danija — 9 bałaŭ, Aŭstryja — 6 , Hiermanija — 3, Vienhryja — 0.
Takim čynam, Aŭstryja i Vienhryja zatrymalisia ŭ top‑dyvizijonie tolki na adzin siezon, bo jany vyjšli ŭ elitu tolki hod tamu.
Na nastupnym čempijanacie śvietu niaŭdačnikaŭ zamieniać Kazachstan i Italija, jakija ŭ krasaviku zavajavali pucioŭki ŭ najmacniejšy ešałon.
Nahadajem, što zbornaja Biełarusi vyjhrała ŭ Vienhryi ź likam 3:1.
Siońnia na čempijanacie śvietu pa chakiei projduć taksama zaklučnyja matčy kvalifikacyjnaha raŭndu.
U hrupie F zhulajuć Słavakija — Narviehija i Kanada — Finlandyja.
U hrupie Je Šviecyja — Francyja i ZŠA — Šviejcaryja.
Stanovišča kamand tut takoje: Rasija — 14 bałaŭ, Šviecyja — 7, ZŠA — 7, Łatvija — 7, Šviejcaryja — 4, Francyja — 0.
Vychad u čverćfinał tut harantavali sabie tolki rasijanie.
Ciapier čytajuć
Stali viadomyja padrabiaznaści pra trahiedyju ŭ Połackim manastyry18
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary