Łatuška: Ludzi, jakija čyniać hvałt, atrymlivajuć uznaharody, a tyja, chto vystupaje suprać hvałtu, pazbaŭlajucca dypłamatyčnych ranhaŭ
Były ambasadar i eks-ministr kultury Pavieł Łatuška niadaŭna ŭvajšoŭ u skład prezidyuma Kaardynacyjnaj rady. Voś jak jon prakamientavaŭ «Svabodzie» rašeńnie Łukašenki ab pazbaŭleńni dypłamatyčnaha ranhu.
«Dziŭnaja situacyja, kali ludzi, jakija parušajuć zakon, jakija čyniać hvałt nad hramadzianami našaj krainy, atrymlivajuć uznaharody, i heta sotni pradstaŭnikoŭ pravaachoŭnaj sistemy, a tyja, chto vystupaje suprać hvałtu, pazbaŭlajucca dypłamatyčnych ranhaŭ. Ci na hetaje pytańnie treba davać adkaz, čamu tak adbyvajecca? Heta realnaść siońniašniaj Biełarusi i hetaj ułady, jakaja adychodzić».
***
Nahadajem, što ŭčora byłoha pasła ŭ Polščy Paŭła Łatušku i pasła ŭ Słavakii Ihara Laščeniu pazbavili dypłamatyčnaha ranhu nadzvyčajnaha i paŭnamocnaha pasła ŭ suviazi sa «ździajśnieńniem učynkaŭ, jakija haniać dziaržaŭnuju (dypłamatyčnuju) słužbu». Adpaviednyja ŭkazy Alaksandr Łukašenka padpisaŭ 16 vieraśnia.
Taksama Alaksandr Łukašenka vyzvaliŭ Vasila Markoviča ad pasady pasła Biełarusi ŭ Łatvii i pazbaviŭ jaho dypłamatyčnaha ranhu za «nienaležnaje vykanańnie słužbovych abaviazkaŭ».
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary