Jaho pryznali vinavatym pa č. 1 art. 23.34 i pryznačyli 15 sutak aryštu.
Zhodna z pratakołam, składzienym 10 vieraśnia, 16 žniŭnia, z 14.30 da 15.10, Dźmitryj Siemčanka, znachodziačysia pablizu doma №21 pa praśpiekcie Pieramožcaŭ, pryniaŭ aktyŭny ŭdzieł u mitynhu biez adpaviednaha dazvołu Minharvykankama, vykrykvaŭ łozunhi. Jakija - nie ŭdakładniajecca, piša Tut.by.
Dźmitryj pryznaŭ, što sapraŭdy znachodziŭsia tam, ale ŭ mitynhu nie ŭdzielničaŭ.
- U toj čas ja byŭ načalnikam prezidenckaha puła, z žurnalisckim paśviedčańniem. Ja byŭ tam, kab pahutaryć ź ludźmi, vyśvietlić ich mierkavańnie. Razmaŭlaŭ z tymi, chto za dziejnuju ŭładu i suprać jaje. Mnie treba było zrazumieć, što adčuvaje hramadstva — ad pieršakrynicy. Ja tam byŭ, ale ŭ mianie nie było transparantaŭ, ja nie vykrykvaŭ łozunhaŭ. Na toj momant ja byŭ žurnalistam dziaržaŭnaha telekanała ANT.
Sudździa Bliźniuk udakładniła, ci byŭ Dźmitryj na mitynhu ŭ svoj pracoŭny čas, a taksama jakim čynam i chto jaho tudy nakiravaŭ.
— U toj momant ja byŭ načalnik prezidenckaha puła. Ja sam vyrašaŭ, iści tudy ci nie. Mnie treba było skłaści ŭłasnaje ŭražańnie, što tam adbyvajecca, — skazaŭ Siemčanka.
***
Były supracoŭnik ANT i kiraŭnik prezidenckaha puła žurnalistaŭ Dźmitryj Siemčanka byŭ zatrymany ŭčora a 17-j hadzinie va ŭłasnaj kvatery. U dźviery pahrukalisia troje čałaviek u cyvilnym, adzin byŭ biez maski, jon pakazaŭ svajo paśviedčańnie.
«Supracoŭnik, jaki pradstaviŭsia, skazaŭ, što Dźmitryja treba dastavić u Frunzienski RUUS, kab vyśvietlić, ci braŭ jon udzieł u masavych mierapryjemstvach. Dźmitryj skazaŭ, što nie ŭdzielničaŭ, — raskazała žonka Julija. — My nie nadta ździvilisia, kali ŭbačyli hetych ludziej doma, my maralna byli hatovyja, viedajučy, što adbyvajecca ŭ krainie».
Dźmitryj Siemčanka da žniŭnia 2020 hoda pracavaŭ na telekanale ANT, byŭ u prezidenckim pule. Adnak paśla padziej 9—12 žniŭnia vyrašyŭ syści z telekanała.
«Maŭčać — značyć pamierci. Kali ja ŭbačyŭ, jak źniščajuć biełaruski narod — zrazumieŭ, što ŭžo nikoli nie zmahu maŭčać pra heta. Inakš budu žyvym trupam!» — napisaŭ jon tady u svaim instahramie.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary