Aleksijevič zaklikała AAN nakiravać u Biełaruś manitorynhavuju misiju
Nobeleŭskaja laŭreatka pa litaratury, siabra prezydyjumu rady Śviatłana Aleksijevič źviarnułasia da AAN z prośbaj pasłać u Biełaruś manitorynhavuju misiju, piša Svaboda.
Pra heta havorycca ŭ artykule, napisanaj joju ŭ suaŭtarstvie z kiraŭnikom Biełaruskaj asacyjacyi žurnalistaŭ Andrejem Bastuncom i hieneralnym sakratarom mižnarodnaj arhanizacyi «Repartery biaź miežaŭ» Krystafam Dełuaram, apublikavanym 10 vieraśnia na staronkach francuskaj hazety Le Monde.
U artykule raspaviadajecca pra apošnija represii ŭ dačynieńni da niezaležnych žurnalistaŭ i ŚMI ŭ Biełarusi.
«My zaklikajem Hieneralnuju Asambleju AAN nakiravać manitorynhavuju misiju, kab zaśviedčyć represii ŭ dačynieńni da žurnalistaŭ», — adznačajecca ŭ materyjale.
Jaho aŭtary taksama zaklikali Arhanizacyju pa biaśpiecy i supracoŭnictvie ŭ Eŭropie «ŭklučyć svabodu druku ŭ śpis pryjarytetnych tem u ramkach prapanovy ab pasiarednictvie va ŭrehulavańni kryzisu».
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary