Kijeŭ abiacaje žorstkuju reakcyju na niedružalubnyja dziejańni Minska
Ministr zamiežnych spraŭ Ukrainy Dźmitryj Kuleba papiaredziŭ pra hatoŭnaść Kijeva da žorstkich mier u dačynieńni da Biełarusi ŭ vypadku niedružalubnych dziejańniaŭ z boku Minska, u tym liku da bolš radykalnych krokaŭ, čym adklikańnie ŭkrainskaha pasła ŭ Minsku dla kansultacyj, piša Interfaks.
«Ja vyklikaŭ pasła (Ukrainy ŭ Minsku), kab padrabiazna praanalizavać pierśpiektyvy adnosin ź Biełaruśsiu ŭ novaj realnaści. Unieści kankretnyja prapanovy kiraŭnictvu dziaržavy, jak dalej budavać adnosiny ź dziaržavaj-susiedam u karotka- i siarednieterminovaj pierśpiektyvie. Nie vyklučaju, što jon vierniecca ŭ Minsk. Ale, kali niedružalubnyja dziejańni Biełarusi buduć praciahvacca, i ryzyki buduć raści, my hatovyja iści na žorstkija kroki. Navat dalej, čym vyklik pasła na kansultacyi», — skazaŭ Kuleba u intervju, apublikavanym u čaćvier «Gazeta.ua».
Kiraŭnik MZS padkreśliŭ, što metaj vyklikańnia pasła na kansultacyi źjaŭlajecca palityčna prademanstravać niezadavolenaść Ukrainy rašeńniem uładaŭ Biełarusi ab pieradačy «vahnieraŭcaŭ» Rasii i biespadstaŭnymi abvinavačvańniami ŭ adras Kijeva va ŭmiašańni va ŭnutranyja spravy.
«2014 hod navučyŭ nas, što moža być usio. Luboje pasłableńnie suvierenitetu Biełarusi niehatyŭna ŭpłyvaje na biaśpieku Ukrainy. Luboje ŭmacavańnie pazicyj Rasii ŭ Biełarusi — heta rost pahroz dla nas. Heta i ekanamičnyja ryzyki, kali možna ŭpłyvać na pastaŭki tavaraŭ pramysłovaści va Ukrainie. I pytańni biaśpieki — vykarystańnie biełaruskaj miažy dla apieracyj. Vielizarnaja miaža Ukrainy ź Biełaruśsiu nie pavinna pieratvarycca ŭ miesca dla bieskłapotnaj prahułki rasijskich śpiecsłužbaŭ abo armii», - adznačyŭ kiraŭnik MZS.
Ciapier čytajuć
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam4444
Kamientary