Zatrymanych dniom žurnalistaŭ buduć sudzić za ŭdzieł u niesankcyjanavanaj akcyi. Noč jany praviaduć u RUUS
Zatrymanych siońnia ŭdzień žurnalistaŭ pakidajuć u RUUS. Zaŭtra ich buduć sudzić za ŭdzieł u niesankcyjanavanaj akcyi. Pra heta Tut.by zajaviŭ načalnik apieratyŭna-dziažurnaj słužby RUUS Kastryčnickaha rajona Alaksandr Marcinovič.
Žurnalistaŭ buduć sudzić pa art. 23.34 «Parušeńnie paradku arhanizacyi abo praviadzieńnia masavych mierapryjemstvaŭ». Pa hetym artykule praduhledžana pakarańnie ŭ vyhladzie štrafu abo administracyjnaha aryštu. Sud adbudziecca zaŭtra z ranicy pa videasuviazi. Noč našy kalehi praviaduć u RUUS.
Reparcioraŭ zatrymali kala 17:00 u rajonie stadyjona «Dynama» i dastavili ŭ RUUS Kastryčnickaha rajona, jak im było zajaŭlena «dla pravierki dakumientaŭ». Reparciory, nahadajem, paznačanyja sinimi kamizelkami z nadpisam «Presa» na śpinie. Akramia taho, u ich majucca bejdžy z fota i nazvaj vydańnia, jakoje jany pradstaŭlajuć. Žurnalisty vykonvali prafiesijnyja abaviazki i aśviatlali akcyju pratestu, što prachodziła ŭ Minsku.
Ciapier u RUUS, akramia Nadziei Kalininaj znachodziacca žurnalist TUT.BY Alaksiej Sudnikaŭ, žurnalisty «Komsomolskoj pravdy v Biełarusi» — Siarhiej Ščohaleŭ, Mikita Dubaleka i Maryja Elaševič, a taksama žurnalist BiełaPAN Andrej Šaŭluha. Z pryčyny drennaha samaadčuvańnia Nadziei dazvolili pieradać leki.
Varta adznačyć, što pravierka dakumientaŭ u zatrymanaha i dastaŭlenaha ŭ RUUS taksama siońnia kalehi z «RIA Novosti» zaniała nie bolš za hadzinu.
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary