KDB adpuściŭ hałoŭnaha zmahara sa złodziejami ŭ zakonie Uładzimira Cichiniu pad padpisku ab niavyjeździe
Uładzimir Cichinia šmat hadoŭ uznačalvaŭ 2-je ŭpraŭleńnie HUBAZiK MUS. U kancy minułaha hoda jon syšoŭ u adstaŭku, a ŭ studzieni staŭ fihurantam «cukrovaj spravy», piša Tut.by.
— Jamu źmienienaja miera strymańnia na padpisku ab niavyjeździe, — prakamientavaŭ Tut.by advakat Aleh Dubaviec.
Pytańnie, kali Cichinia vyjšaŭ na volu, advakat nie zmoh udakładnić. Cichinia pa-raniejšamu zastajecca fihurantam kryminalnaj spravy, abvinavačvańni ź jaho nie źniatyja. Jamu staviać padbuchtorvańnie da dačy chabaru.
Uładzimir Cichinia šmat hadoŭ uznačalvaŭ 2-je ŭpraŭleńnie HUBAZiK MUS. Pracavaŭ pa takich hučnych spravach, jak «sprava marozaŭcaŭ», «sprava pasiałkovych», pa spravach usich viadomych u Biełarusi kryminalnych aŭtarytetaŭ. U kancy 2019 hoda syšoŭ u adstaŭku.
«Cukrovaja sprava» pačałasia ŭ kancy studzienia 2020 hoda: supracoŭniki KDB zatrymali kiraŭnikoŭ usich čatyroch cukrovych zavodaŭ, biełaruskaj cukrovaj kampanii, niekalki biznesoŭcaŭ i Uładzimira Cichiniu. Kab nadzieć kajdanki na dyrektara Haradziejskaha cukrovaha kambinata Michaiła Kryštapoviča, raźviarnuli samalot «Biełavija» Minsk — Miunchien nad Urocłavam i viarnuli ŭ Hrodna. Hetym rejsam Kryštapovič lacieŭ u adpačynak. Usie fihuranty byli źmieščanyja ŭ SIZA KDB. Pa faktach atrymańnia i dačy chabaraŭ raspačatyja kryminalnyja spravy.
U lutym u «Panaramie» na telekanale «Biełaruś 1» pakazali śpiecyjalnaje rasśledavańnie «Cukrovaja mafija». Asnoŭnym śpikieram byŭ Kanstancin Byčak, načalnik adździeła śledčaha ŭpraŭleńnia KDB. Jak raspaviali ŭ Kamitecie, chabary pieradavali raz u try tydni, a ŭchvalaŭ hetu schiemu akurat Uładzimir Cichinia.
«Na žal, lehiendarny zmahar z bandytyzmam i karupcyjaj u 1990-ch i nulavych zhadžajecca za ŭznaharodžańnie strachavać cukrovuju mafiju i jaje schiemu», — kazaŭ tady zakadravy hołas.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2323
Kamientary