MUS paviedamiŭ pra zatrymańnie čałavieka, nibyta «datyčnaha da finansavańnia vuličnych pratestaŭ»
MUS paviedamiŭ, što ŭ Miensku milicyjanty vyjavili adnaho z kaardynataraŭ vuličnych akcyj. Pavodle paviedamleńnia viedamstva, 34-hadovy minčanin zajmaŭsia pošukam i finansavańniem ich novych udzielnikaŭ.
«Vyjści na jaho ŭdałosia paśla zatrymańnia 37-hadovaha žychara stalicy, jaki raspavioŭ ab sustrečy z nazvanym mužčynam i jaho prośbach sabrać masoŭku dla ŭdziełu ŭ akcyi pratestu za hrošy», — havorycca ŭ paviedamleńni MUS.
Viedamstva piša: «Vyśvietliłasia, što za dzień da hetaha «klijent» viarboŭščyka vyzvaliŭsia ź miescaŭ pazbaŭleńnia voli. Kaardynatar padyšoŭ da jaho ŭ adnoj z centralnych charčovych kram horada i prapanavaŭ sabrać kala 10—12 čałaviek dla ŭdziełu ŭ niesankcyjanavanym masavym mierapryjemstvie palityčnaha charaktaru. Paśla atrymańnia zhody nieznajomiec daŭ pasiaredniku 60 rubloŭ, a taksama kupiŭ jamu śpirtnoje i pradukty charčavańnia».
Sustreču ŭdzielnikaŭ zmovy, zapłanavanuju na 19 žniŭnia, spynili apieratyŭniki. Ciapier u dačynieńni da abodvuch mužčyn pravodzicca pravierka.
Taksama viedamstva apublikavała videa, dzie adzin z zatrymanych raspaviadaje, jak padčas pratestaŭ inšy čałaviek prapanavaŭ jamu hrošy.
«Zamotka takaja, kab nabirać ludziej i płacić, — kaža na kamieru mužčyna, tvar jakoha schavany, a imia nie nazyvajecca. — Funkcyja ŭ tym, kab źbiracca na płoščy, vykrykvać łozunhi <…> takich, mnie zdajecca, tam nie adzin dziasiatak, heta dakładna».
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary