Rabočyja «Biełaruśkalija» abviaścili zabastoŭku i farmirujuć strajkamy
U piatnicu supracoŭniki «Biełaruśkalija» paviedamili: kali nie buduć vykananyja ich patrabavańni, jany ŭ paniadziełak ranicaj spyniajuć pracu. Jany nastojvajuć na novych vybarach, vyzvaleńni ŭsich palitviaźniaŭ i adstaŭki tych, chto dapuściŭ hvałt u krainie. Siońnia jany zajavili, što spyniajuć vytvorčaść, piša Tut.by.
U 8 ranicy kala prachadnoj druhoha rudaŭpraŭleńnia šmatludna, šachciory emacyjna abmiarkoŭvajuć, čamu jany advažylisia na taki krok.
- My chočam być salidarnyja z usioj krainaj. Našy patrabavańni nie vykonvajucca, voś čamu zabastoŭka. Jana budzie doŭžycca, pakul ničoha nie źmienicca, - tłumačać mužčyny.
Na prachadnuju pryjšli tyja, chto pracavaŭ u načnuju źmienu, adpačyŭ paru hadzin - i znoŭ na pracu, i tyja, chto aficyjna ŭ adpačynku.
Sustreča z kiraŭnictvam doŭžyłasia paŭhadziny, supracoŭnikaŭ zaklikali napisać svaje patrabavańni, ale nie spyniać vytvorčaść.
— Inšaha vyjścia niama! Nas pazbavili hołasu, vybaraŭ, a potym stali zabivać našych dziaciej! Naša zarpłata — heta kuli AMAPa! — kryčali supracoŭniki Biełaruśkalija.
Amal adnahałosna jany prahałasavali za strajk, ciapier jany farmujuć strajkamy i aficyjna praz prafsajuz rychtujucca paviedamić kiraŭnictva ab tym, što vytvorčaść spyniajecca.
-
«A Łukašenka nie ŭ kursie, adkul byŭ napad na hetu asfaltavanuju darohu?» U vioscy praviali viełaprabieh — ale ŭsia ŭvaha dastałasia darozie
-
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki
-
Minčuki ŭ čacie paskardzilisia na pracu palikliniki. Prapahanda abvinavaciła ŭ čerhach samich naviedvalnikaŭ
Ciapier čytajuć
Miljanier Varabiej atrymaŭ prava na zabudovu centra Minska — uzamien za darahuju kliniku dla Łukašenki7
Kamientary