Рабочыя «Беларуськалія» абвясцілі забастоўку і фарміруюць страйкамы
У пятніцу супрацоўнікі «Беларуськалія» паведамілі: калі не будуць выкананыя іх патрабаванні, яны ў панядзелак раніцай спыняюць працу. Яны настойваюць на новых выбарах, вызваленні ўсіх палітвязняў і адстаўкі тых, хто дапусціў гвалт у краіне. Сёння яны заявілі, што спыняюць вытворчасць, піша Tut.by.
У 8 раніцы каля прахадной другога рудаўпраўлення шматлюдна, шахцёры эмацыйна абмяркоўваюць, чаму яны адважыліся на такі крок.
- Мы хочам быць салідарныя з усёй краінай. Нашы патрабаванні не выконваюцца, вось чаму забастоўка. Яна будзе доўжыцца, пакуль нічога не зменіцца, - тлумачаць мужчыны.
На прахадную прыйшлі тыя, хто працаваў у начную змену, адпачыў пару гадзін - і зноў на працу, і тыя, хто афіцыйна ў адпачынку.
Сустрэча з кіраўніцтвам доўжылася паўгадзіны, супрацоўнікаў заклікалі напісаць свае патрабаванні, але не спыняць вытворчасць.
— Іншага выйсця няма! Нас пазбавілі голасу, выбараў, а потым сталі забіваць нашых дзяцей! Наша зарплата — гэта кулі АМАПа! — крычалі супрацоўнікі Беларуськалія.
Амаль аднагалосна яны прагаласавалі за страйк, цяпер яны фармуюць страйкамы і афіцыйна праз прафсаюз рыхтуюцца паведаміць кіраўніцтва аб тым, што вытворчасць спыняецца.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары