Biełaruskamu narodu chopić mudraści zrabić pravilny vybar padčas prezidenckaj vybarčaj kampanii. Takoje mierkavańnie na telekanale «Biełaruś 1» vykazaŭ lidar Kamunistyčnaj partyi Rasijskaj Fiederacyi Hienadź Ziuhanaŭ, paviedamlaje BiełTA.
Hienadź Ziuhanaŭ adznačyŭ, što ŭ Biełarusi zdoleli zachavać bazavyja haliny, efiektyŭnaść kiravańnia, kadry. «Biełarusy pavinny praciahnuć hetuju liniju, — ličyć jon. — Biełaruskamu narodu chopić mudraści dla taho, kab zrabić pravilny vybar. Vy ruchalisia ŭsie hetyja hady viernym šlacham. Tak, byli ciažkaści, byli prablemy, kryzisnyja źjavy skałynali i vašu pracavituju respubliku, ale vy prajšli praz heta značna hodniej i ź mienšymi stratami».
Lidar KPRF krytyčna vykazaŭsia ab idei alternatyŭnych kandydataŭ pravieści ŭ vypadku svajho abrańnia pieravybary na praciahu paŭhoda. Jon nahadaŭ ab ciažkim kryzisie ŭ śviecie, kali razvalvajucca vytvorčaści, irvucca suviazi.
«Nie ŭmiešvajusia ŭ vašy ŭnutranyja spravy, ale heta poŭnaje tryźnieńnie», — skazaŭ jon.
Ciapier čytajuć
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary