Paŭnočnuju viežu Halšanskaha zamka siońnia rychtujuć da muziejefikacyi. U śpiecyjalistaŭ składanaje «aŭtentyčnaje» zadańnie: padkreślić u interjery aryhinalnyja detali XVII stahodździa, jakija raspaviadali b pra byłych uładalnikaŭ — Sapiehaŭ, paviedamlaje ANT.
Srodki na abjekt — amal paŭmiljona rubloŭ — pastupili z prezidenckaha fondu pa padtrymcy kultury i mastactva. Paŭnočnuju viežu ŭžo adrestaŭravali, tam sabrali pa frahmientach «zorny» zvod.
— Zachavalisia «piatki» ŭ vyhladzie hałoŭ barana. Jany buduć adkrytyja, zrazumiełyja. Zachavaŭsia kamin. Budzie adkryta zadniaja častka. Jana admysłova zastajecca zadymlenaj. U hetaj zale zojmie svajo dastojnaje miesca halšanskaja kafla: palichromnaja, palivanaja, — kaža dyrektar krajaznaŭčaha muzieja imia Bahuševiča Alena Žastkova.
Ciapier viežu rychtujuć da muziejefikacyi. Ekspazicyja tut pačniecca sa sklepa. Sustrakać haściej tam budzie Biełaja Dama — viadomy pryvid u Biełarusi.
— Z fondu prezidenta vydzielena 498 tysiač rubloŭ. Heta dazvolić nam praciahnuć restaŭracyjnyja raboty i muziejefikacyi Paŭnočnaj viežy Halšanskaha zamka. Siońnia raspracavana ŭžo papaviarchovaja kancepcyja, uzhodniena mastackaje rašeńnie, — kaža namieśnik staršyni Ašmianskaha rajvykankama Natalla Stankievič.
Ciapier na druhim jarusie ablicoŭvajuć kamin, vakoł jakoha zamacoŭvajuć «epizody» žyvapisu XVII stahodździa. Uzor na padłozie — sa staradaŭniaj plitki. Kab padniacca na vyšyniu, kala Paŭnočnaj viežy zrabili leśvicu z naziralnaj placoŭkaj na trecim jarusie. Jaje jašče abstalujuć padzornaj truboj.
Što da interjeraŭ viežy, to malunkaŭ, jak usio tut było da hetaha času, nie znojdziena. Śpiecyjalisty ciapier tolki vyvučajuć pieršy invientar zamka. Adkryć Paŭnočnuju viežu dla naviedvalnikaŭ płanujuć užo vosieńniu.
Kamientary