Aktyvista partyi «Narodnaja hramada» Siarhieja Sparyša, u adnosinach da jakoha zaviedieziena kryminalnaja sprava pa č. 1 art. 342 KK (Arhanizacyja ci aktyŭny ŭdzieł u hrupavych dziejańniach, jakija hruba parušajuć hramadski paradak), pravaabarončaja supolnaść Biełarusi pryznaje palityčnym źniavolenym, paviedamlaje spring96.org
Pry pryniaćci hetaha rašeńnia pravaabaroncy kiravalisia raniej pryniatymi zajavami biełaruskaj pravaabarončaj supolnaści ad 1, 9 i 11 červienia 2020 hoda ab pryznańni palitźniavolenymi fihurantaŭ «spravy Cichanoŭskaha».
Na padstavie hetaha biełaruskija pravaabaroncy patrabujuć ad biełaruskich uładaŭ nieadkładnaha vyzvaleńnia Siarhieja Sparyša i spynieńnia raspačataha ŭ dačynieńni da jaho kryminalnaha pieraśledu.
Siarhiej Sparyš byŭ zatrymany 25 červienia supracoŭnikami milicyi ŭ cyvilnym, jakija z prymianieńniem fizičnaj siły vyciahnuli jaho z kvatery. Padstavaj dla zatrymańnia staŭ raniej vyniesieny Siarhieju Sparyšu administratyŭny aryšt na 15 sutak za ŭskładańnie kvietak na Vajskovych mohiłkach h. Minska 8 traŭnia hetaha hoda. 9 lipienia stała viadoma, što ŭ dačynieńni da jaho zaviedziena kryminalnaja sprava pa č.1 art. 342 KK pa padziejach 29 maja ŭ Hrodnie.
Na hety momant Siarhiej Sparyš źjaŭlajecca padazravanym pa hetaj spravie i znachodzicca ŭ IČU h. Minska.
Ciapier čytajuć
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?7
Biełaruska adnačasova mieła dva hramadzianstvy — ale daviedałasia pra heta tolki ŭ 21 hod. Jak tak vyjšła?
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna1919
Kamientary