Mikałaj Łukašenka, małodšy syn prezidenta Biełarusi, pastupiŭ u 10-y kłas Liceja BDU. Pra heta TUT.BY paviedamili niekalki krynic. U jakaści profilu jon abraŭ bijałohiju, konkurs na jaje skłaŭ 6,5 čałavieka na miesca.
Kab stać liceistam i pastupić na bijałahičny profil, sioleta treba było zdać dva ispyty — bijałohiju i chimiju. Bijałohiju abituryjenty pisali 24 maja, chimiju — 31-ha. Prachadny bał skłaŭ 138 z 200.
Usiaho na 44 miescy bijałahičnaha profilu padali dakumienty 286 abituryjentaŭ. Aficyjnaje zaličeńnie prachodziła z 16 pa 19 červienia.
U minułym navučalnym hodzie Mikałaj Łukašenka paśpiachova vystupiŭ na alimpijadzie pa chimii. Na rajonnym etapie jon zaniaŭ pieršaje miesca, na abłasnym — atrymaŭ dypłom treciaj stupieni.
Da pastupleńnia ŭ Licej BDU Mikałaj Łukašenka vučyŭsia ŭ zvyčajnaj siaredniaj škole ŭ Astrašyckim Haradku Minskaha rajona.
Taksama ŭ licei abmiarkoŭvajuć infarmacyju ab tym, što siarod tych, chto pastupiŭ na humanitarny profil, jość i ŭnučka prezidenta Biełarusi Darja Łukašenka. Nahadajem, što ŭ Licei BDU ciapier vučycca jaje starejšaja siastra Anastasija — dačka Dźmitryja Łukašenki. U sakaviku 2020-ha jana brała ŭdzieł u konkursie «Mis licej», dzie zaniała druhoje miesca i atrymała tytuł vice-mis.
Kab pastupić u 10 kłas humanitarnaha profilu, treba było zdać anhlijskuju movu i hramadaznaŭstva. Na momant rehistracyi na ekzamien konkurs składaŭ 9 čałaviek na miesca, prachadny bał u vyniku byŭ roŭny 151 z 200.
Paćvierdzić infarmacyju ab pastupleńni Mikałaja i Darji Łukašenki ŭ pres-sakratara prezidenta Natalli Ejsmant nie ŭdałosia.
Dyrektar Liceja BDU Ihar Varaksa nie zmoh ni paćvierdzić, ni abvierhnuć hetuju infarmacyju (darečy, na pytańnie žurnalista kiraŭnik ustanovy adkazvaŭ pa-biełarusku).
— My nie raskryvajem infarmacyju ni pra kaho z našych abituryjentaŭ, pakul jany sami nie vykažucca ab svaich vynikach. Tak što ni pravieryć, ni abvierhnuć infarmacyju nie mahu ni pra kaho, chto da nas pastupiŭ, niezaležna ad proźvišča.
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy12
Kamientary