«Ja padvieści muža prosta nie mahu». Cichanoŭskaja kaža, što sabrała 100 tysiač podpisaŭ
Inicyjatyŭnaja hrupa Śviatłany Cichanoŭskaj sabrała 100 tysiač podpisaŭ, kaža patencyjnaja kandydatka na prezydenckuju pasadu. «Faktyčna jany jość, ale ci paśpiejem my ich zdać fizyčna, bo ŭmovy nie na našu karyść… Ale my vielmi starajemsia heta zrabić», — skazała Śviatłana Cichanoŭskaja ŭ kamentary «Svabodzie».
Pavodle Śviatłany, na siabraŭ inicyjatyŭnaj hrupy idzie cisk. «Na mianie cisku niama, ale emacyjna i psychalahična vielmi ciažka», — dadała jana.
Siabry inicyjatyŭnaj hrupy Śviatłany Cichanoŭskaj traplajuć pad administracyjnyja aryšty, kiraŭnik hrupy — jaje muž, viadomy błohier Siarhiej Cichanoŭski, pryznany palitviaźniem, ciapier znachodzicca ŭ śledčym izalatary. Niadaŭna jaho źmiaścili ŭ karcer «za parušeńnie ŭnutranaha rasparadku SIZA».
Śviatłana musić pajechać pa biełaruskich haradach, kab samastojna zdać podpisy ŭ terytaryjalnyja kamisii. «Mnie treba zrabić heta (zdać podpisy, — RS) dziela Siarhieja i ludziej, jakija tak šmat pracavali, źbirali podpisy ŭ doždž i śpioku, jakija stajali ŭ vialikich čerhach, kab padpisacca. Ja budu staracca, kab pakazać, što my zdoleli heta zrabić (sabrać 100 tys, — RS). Spynicca zaraz było by zdradaj i Siarhieju, i ludziam, jakija pavieryli jamu, pryjšli za jaho padpisvacca. Toje, što ja apynułasia na pieradavoj — heta prosta tak atrymałasia. Ja padvieści jaho prosta nie mahu. Kali kachańnie — to da kanca», — patłumačyła Śviatłana Cichanoŭskaja.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram15
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2525
Kamientary