18 maja na 66-m hodzie žyćcia pamior viadomy biełaruski dyryžor i muzyčny piedahoh Piatro Vandziłoŭski, paviedamlaje Tut.by.
Jon pracavaŭ u Dziaržaŭnym akademičnym simfaničnym arkiestry Biełarusi, byŭ hałoŭnym dyryžoram Sarajeŭskaha fiłarmaničnaha arkiestra, uznačalvaŭ Dziaržaŭny kamierny arkiestr. Bolš za 20 hadoŭ Piatro Viktaravič zahadvaŭ kafiedraj arkiestravaha dyryžyravańnia Biełaruskaj dziaržaŭnaj akademii muzyki, z 1999 hoda ŭznačalvaŭ kamierny arkiestr akademii.
Piatro Viktaravič vioŭ aktyŭnuju kancertnuju dziejnaść: vystupaŭ ź simfaničnym arkiestram Biełteleradyjokampanii, Minskim dziaržaŭnym arkiestram duchavych instrumientaŭ «Niamiha», hastralavaŭ pa Rasii, Ukrainie, Polščy, Hiermanii, Bielhii, Niderłandam, Ispanii, Italii, Turcyi, Charvatyi, Sierbii, Siryi, Finlandyi.
U Akademii ŭdakładnili, što raźvitańnie projdzie ŭ vuzkim kole. U suviazi ź niespryjalnaj epidemijałahičnaj situacyjaj u Minsku časova nie pravodziacca ŭračystyja panichidy.
Ciapier čytajuć
Advakat Kanavałava, rasstralanaha za terakt u mietro, upieršyniu raskazaŭ, što adbyvałasia padčas śledstva75
Kamientary