Pa dapamohu ŭ milicyju źviarnułasia žycharka Hrodna, jakaja straciła amal 127 tysiač rubloŭ. Takuju sumu ŭ jaje vyduryła «brokier adnoj z anłajn-płatformaŭ biržavych tarhoŭ», paviedamlaje milicyja.
Historyja pačałasia z abjavy ab «dziaržaŭnaj prahramie pa pavyšeńni dabrabytu biełarusaŭ». Žančyna ŭbačyła jaje ŭ Instagram. Pakinuła zajaŭku, zarehistravałasia, pieraviała $100 pieršapačatkovaha kapitału, i ŭžo praź niekalki chvilin joj patelefanavała «brokier Alaksandra».
Paśla kožnuju ranicu dziaŭčyna paviedamlała navaśpiečanamu «trejdaru» ab paśpiachovych ździełkach, prasiła papaŭniać rachunak. Usie naličeńni adbivalisia ŭ bałansie.
Kali hrošy skončylisia, biełaruska brała kredyty ŭ banku, abrasła daŭhami. Adnak abnajavić rachunak nie atrymałasia: pradstaŭniki płatformy na lubych padstavach uhavorvali jaje nie sychodzić ź biržy. «Alaksandra» navat prasiła jaje pradać kvateru. U vyniku kampanija pastaviła ŭltymatum: unieści čarhovy płaciež abo rachunak budzie anulavany. Paśla hetaha žančyna napisała zajavu ŭ milicyju.
Raspačali kryminalnuju spravu ab machlarstvie ŭ asabliva bujnym pamiery.
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary