Byłyja prezidenty i premjery Polščy zaklikali bajkatavać prezidenckija vybary
Byłyja prezidenty i premjery Polščy ŭ adkrytym liście zajavili, što nie buduć hałasavać na «psieŭdavybarach», i zaklikali hramadzian pastupić hetak ža, paviedamlaje RMF 24.
List padpisali eks-prezidenty i premjery Polščy Lech Valensa, Branisłaŭ Kamaroŭski, Alaksandr Kvaśnieŭski, Marek Bielka, Jan Kšyštaf Bialecki, Uładzimiež Cimaševič, Jeva Kopač, Kazimiež Marcinkievič i Lešak Miler. List apublikavali na sajcie «Forumu hramadzianskaha raźvićcia», jaki ŭznačalvaje Lešak Balcerovič.
«Rašeńnie ab hałasavańni pa pošcie, na jakim nastojvała «Prava i spraviadlivaść», było pryniata nasupierak Kanstytucyi i rehłamientu Siejma», — adznačajuć aŭtary zvarotu.
Raniej da bajkotu prezidenckich vybaraŭ, jakija pavinny adbycca 10 maja, zaklikaŭ były premjer-ministr Polščy i eks-prezident Jeŭrapiejskaj rady Donald Tusk.
Kandydat u prezidenty Polščy ad najbujniejšaj apazicyjnaj partyi «Hramadzianskaja płatforma» Małhažata Kidava-Błońska zajaviła, što nie budzie ŭdzielničać u vybarach 10 maja, kali hałasavańnie budzie adbyvacca pa pošcie.
-
Partyi siabra Łukašenki nie chapiła kala 160 hałasoŭ z usioj Armienii, kab trapić u parłamient
-
Orden za pierajmienavańnie pałka UPA: prezident Polščy daŭ Zialenskamu niekalki dzion na vyrašeńnie kanfliktu
-
Novy hihant Halivuda: Miniust ZŠA ŭchvaliŭ źlićcio Warner Bros. i Paramount koštam 110 miljardaŭ
Kamientary