«Amierykancy siońnia chočuć prałabiravać raniejšuju madel, tonka kažuć: nielha admaŭlacca ad rynačnaj ekanomiki. Heta značyć, faktyčna, kažuć: nielha admaŭlacca ad taho šulerstva, jakoje i pryviało da takoha kryzisu».
U asnovie finansava‑ekanamičnaha kryzisu lažyć vielizarnaja karupcyja suśvietnaha ŭzroŭniu,zajaviŭ Alaksandr Łukašenka 31 sakavika na sustrečy ŭ Minsku z hubiernataram Nižaharodskaj vobłaści Rasii Valeryjem Šancavym.
Pra heta paviedamlaje pres‑słužba prezidenta.
«Mnohaje ŭ kryzisie niezrazumieła, ale vialiki składnik — psichałahičny, maralny»,— zaznačyŭ kiraŭnik dziaržavy.
A.Łukašenka vykazaŭ nieŭrazumieńnie ŭ suviazi z paviedamleńniami ŭ presie ab tym, što Rasija admaŭlajecca ad svaich prapanoŭ, jakija jana mieła namier vykłaści na Łondanskim samicie. «Nie razumieju: navošta? Amierykancy siońnia chočuć prałabiravać raniejšuju madel, tonka kažuć: nielha admaŭlacca ad rynačnaj ekanomiki. Heta značyć, faktyčna, kažuć: nielha admaŭlacca ad taho šulerstva, jakoje i pryviało da takoha kryzisu», — cytuje pres‑słužba kiraŭnika dziaržavy.
A.Łukašenka ličyć, što Rasii nie varta admaŭlacca ad svaich prapanoŭ. «Chaciełasia b, kab pazicyja Rasii prahučała niaźmiennaj u tym vyhladzie, jak jana była padadziena niekalki tydniaŭ tamu, — skazaŭ prezident. — Biełaruś adnaznačna b vykazałasia ŭ padtrymku takoj pazicyi. Nieekanomnaje raschodavańnie hrošaj, ipateki i hetak dalej — usio pavinna być pad kantrolem, instrumienty kantrolu abaviazkova pavinny być stvorany».
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia3
Kamientary