Košt fjučersa na amierykanskuju naftu marki WTI (nie błytać ź jeŭrapiejskaj naftaj Brent) z pastaŭkaj u mai viarnułasia da dadatnaha značeńnia, śviedčać źviestki tarhoŭ. Pa stanie na 07:10 na biržy NYMEX jana vyrasła da $1,40. Červieńskija fjučarsy WTI padaraželi da $21,33, piša RBK.
Červieńskija fjučarsy na paŭnočnamorskuju sumieś Brent na biržy ICE ŭ Łondanie handlujucca pa canie $25,39 za barel (majskija kantrakty skončylisia).
20 krasavika košt krasavickaha fjučarsa WTI ŭpaŭ da nula, a zatym i zusim upieršyniu ŭ historyi dasiahnuŭ admoŭnych značeńniaŭ: kaciroŭki zaviaršyli handlovuju siesiju na adznacy -$37,63 za barel.
Paśla ŭviadzieńnia abmiežavańniaŭ u ramkach baraćby z raspaŭsiudam karanavirusa suśvietny popyt na naftu ŭpaŭ. «Kali my nie ŭbačym adnaŭleńnia popytu ŭ najbližejšy čas, całkam vierahodna, što červieński kantrakt budzie čakać taja ž dola», — pryvodzić Bloomberg słovy Uorena Patersan, analityka niderłandskaha finansavaha kanhłamieratu ING Bank NV. U toj ža čas jon vykazaŭ mierkavańnie, što paśla krasavika ceny pačnuć pastupova adnaŭlacca.
Stali viadomyja padrabiaznaści pra trahiedyju ŭ Połackim manastyry16
Stali viadomyja padrabiaznaści pra trahiedyju ŭ Połackim manastyry
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary