Hramadstva99

«I dumki nie było ratavać ekanomiku, ratavali ludziej». Rudy pra dośvied Kitaja ŭ baraćbie z karanavirusam

Eks-pasoł Biełarusi ŭ Kitai i eks-daradca prezidenta Biełarusi Kirył Rudy raskazaŭ u intervju tut.by pra toje, jak Kitaj chutka pieramoh epidemiju.

 — Vopyt Kitaja ŭ samych roznych halinach tradycyjna vielmi zapatrabavany ŭ Biełarusi, ale z pandemijaj pytańnie asablivaje. Jana ŭ Kitai pačałasia, dosyć chutka skončyłasia, ale pytańni zastalisia. Pra zabłakavany žorstkim karantynam Uchań viadoma, a što adbyvałasia ŭ Piekinie? I jak na heta reahavali ludzi?

— My hladzim na Kitaj praz svaje stereatypy. Bačym toje, što chočam ubačyć. Tak, Kitaj nie adrazu zrazumieŭ, što adbyvajecca. Byŭ pieršym. Ale potym zaryjentavaŭsia. Źmianiŭsia da niepaznavalnaści i pieramoh chutčej i ź mienšymi achviarami. Jak?

Pa-pieršaje, pieradaŭ paŭnamoctvy na miescy.

Ułady haradoŭ sami prymali rašeńni zakryvać darohu ci nasieleny punkt na karancin, a škoły i ŭniviersitety — kali admianiać vučobu. Kali vyniku nie było i kolkaść tych, chto zaraziŭsia, rasła, to Piekin prymaŭ kadravaje rašeńnie i mianiaŭ miascovaha kiraŭnika.

Pa-druhoje, hramadstva samaarhanizavałasia. Uźnikli miascovyja družyny, što błakavali svaje vioski. Biźnies kinuŭsia pa śviecie zakuplać maski. Akazvali dapamohu niaŭradavyja arhanizacyi, u tym liku mižnarodnyja. Navat biełaruski samalot z humanitarnaj dapamohaj kitajskija ŭłady spačatku nie viedali, jak aformić, a hruz prymała pryvatnaja kampanija, jakaja adpraviła jaho va Uchań.

Pa-treciaje, Kitaj uzbroiŭsia IT. Byli mabilnyja dadatki, u jakich adznačalisia zachvarełyja, ich kantakty i kožny bačyŭ ad kaho varta dystancyjavacca. Davali adzin dazvoł na siamju dla apłaty praz WeChat, kab u kramu išoŭ tolki adzin čałaviek. Skanavali QR-kody pry ŭvachodzie ŭ budynki, kab viedać maršrut čałavieka. Pastajanna mierali tempieraturu.

Siońnia, padobna, Rasieja vykarystoŭvaje kitajski vopyt.

— Što z kitajskaha dośviedu varta było b vykarystoŭvać u Biełarusi?

U Kitai padčas karanavirusa byŭ taki łozunh «Vier navucy!». Pačynajecca ŭsio z taho, u što my vierym. Tak i stavimsia, tak i dziejničajem. Takija i vyniki.

— Aficyjnaj statystycy pa zachvarełych, pamierłych, pratestavanych u Kitai vierać?

— Inšaj niama. Dy i jak možna čaplacca da kitajskaj statystyki, kali spačatku i testaŭ nie było, i virus nie vyznačany byŭ. Usio ŭ pieršy raz. Dumaju, ułady Kitaja adrazu sami dakładna nie viedali. Zmahalisia ź nieviadomaściu. Hałoŭnaje — vyžyć.

Razmovy ab palitycy, ekanomicy tady byli prosta niedarečnyja i biesčałaviečnyja. Navat ciapier kitajskija kampanii, jakija pracujuć u Biełarusi, štodnia dajuć spravazdaču ŭ Kitaj nie ab svajoj vyručcy, a pra tempieraturu svaich rabotnikaŭ, prykładajučy fatahrafii hraduśnikaŭ.

— A naohuł važna, vierać uładam ci nie vierać? Urešcie, ciapier krynic infarmacyi šmat, možna i biez zahadu ŭładaŭ dystancyjavacca, ekipiravacca, izalavacca…

— U nadzvyčajnych situacyjach ŭsie hladziać na ŭładu. Tam usia infarmacyja, kampietencyja, resursy. Da vystupu ŭ ŚMI Si Czińpina 20 studzienia 2020 hoda my ŭ pasolstvie pravodzili sustrečy z delehacyjami z Uchani. Potym za dzień usio źmianiłasia.

Viadoma, možna biez ukazańniaŭ uładaŭ rabić pa-svojmu. Ale tak, zdajecca, budzie daŭžej, kali pa vulicach buduć inšyja chadzić i raznosić virus. Heta vyklik nie asobnamu čałavieku, a asiarodździu pražyvańnia, hramadstvu. Kitajcy abjadnalisia i pieramahli.

— Zaraz, kali mnohija krainy aceńvajuć maštaby padzieńnia ekanomiki, usie taksama aryjentujucca na Kitaj. VUP Kitaja ŭ pieršym kvartale ŭpaŭ na 6,8%. Na vaš pohlad, heta mnoha ci mała?

— Paŭtaru. U Kitai tady i dumki nie było pra vyratavańnie ekanomiki, ratavali ludziej. Ciapier paličyli pieršy kvartał: tak — padzieńnie 6,8%. Ale ŭ hadavym vymiareńni heta aznačaje, što pryrost skarocicca z 6,1% u minułym hodzie, da 2—3% u hetym, a ŭ bližejšyja try hady siaredniehadavy temp składzie 3—5%.

Kali ŭ hadavym vyličeńni ŭpaduć ZŠA i ES, to Kitaj budzie vyciahvać suśvietnuju ekanomiku. Tamu heta chutčej nie padzieńnie, a zapavolvańnie. Pakul kitajcy praciahvajuć svaje reformy i adkryvajucca, jany nie ŭpaduć.

— Čatyry hady za miežami krainy, heta dastatkova, kab pa prybyćci zirnuć na radzimu novymi vačyma. Što pamianiałasia? Noravy? Nastroi?

— Kamandziroŭka była mienšaja za čatyry hady. Advyk ad ruskaj movy na vulicach. Raniej niejak nie zaŭvažaŭ, ale ciapier reža słych mat na vulicach, u tym liku na dziciačych placoŭkach.

U cełym, pamianiałasia niašmat. Choć nie — za apošni miesiac źmianiajecca. Ja ŭžo tydniaŭ piać, napeŭna, chadžu ŭ miedycynskaj mascy. Adrazu na vulicy niaŭchvalna pazirali, u čarzie ŭ kramie abmiarkoŭvali, adzin znajomy navat skazaŭ, «heta niepalitkarektna». Zaraz usie pradaŭcy ŭ kramach u maskach. Na vulicach ludzi ŭ maskach źjavilisia. Niešta ŭ hałavie źmianiajecca.

Kamientary9

Ciapier čytajuć

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej1

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Usie naviny →
Usie naviny

MUS Ukrainy: Rasija razam ź ciełami ŭkrainskich vajskoŭcaŭ pieradaje i rasijskich1

Izrailski avijaŭdar pierarvaŭ efir dziaržteleradyjo Irana. Štab-kvatera TB źniščanaja VIDEA34

Voś jak vyhladaje ŭkrainski vajskoviec paśla troch hadoŭ rasijskaha pałonu FOTAFAKT10

Rasijskija prapahandysty terminova evakuirujucca z Tehierana6

«Zahruzka ŭpała, zakazaŭ mienš». Rabotnikaŭ pradpryjemstva ŭ Rečycy stali adpraŭlać u adpačynki biez apłaty5

Čamu vučeńni «Zachad-2025» vyrašyli pravieści ŭ centry krainy, a nie kala miežaŭ NATA — mierkavańnie ŭkrainskaha palitołaha4

Prarasijskija nadpisy na ciele ŭkrainskaha vajskoŭca vyrazaŭ chirurh padčas apieracyi4

Kala bierahoŭ Kanady zaŭvažyli redki čorny ajśbierh1

Zamiest vajny słany ŭ novaj knizie Sašy Filipienki. I Maskva11

bolš čytanych navin
bolš łajkanych navin

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej1

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić