Chvorych na karanavirus buduć raźmiaščać u abłasnych balnicach, a nie ŭ rajonnych
Alaksandr Łukašenka ličyć, što zaražanych karanavirusam hramadzian varta raźmiaścić u abłasnych balnicach. Adpaviednaje daručeńnie kiraŭnik dziaržavy daŭ siońnia, padčas pajezdki ŭ Smalavicki rajon, pieradaje BIEŁTA.
Kiraŭnik dziaržavy pacikaviŭsia ŭ kiraŭnika Minskaj vobłaści, jak raźvivajecca situacyja z karanavirusam u cełym pa krainie i ŭ centralnym rehijonie ŭ pryvatnaści. Jak dałažyli Łukašenku, situacyja stabilnaja, rezkaha ŭsplosku zachvorvańnia nie adznačajecca.
«Budziem spadziavacca, što situacyja budzie raźvivacca voś tak, jak ciapier», — acaniŭ abstanoŭku Łukašenka.
U toj ža čas jon ličyć nieabchodnym pieravieści inficyravanych COVID-19 z rajonnych centraŭ u abłasnyja — heta dapamoža lepš kantralavać situacyju i akazvać chvorym bolš kvalifikavanuju dapamohu. Da taho ž źjavicca mahčymaść davieści da ładu rajonnyja balnicy, zychodziačy z užo isnujučaha vopytu.
«Ludziej lepš trymać u abłasnych centrach, nie ŭ rajonie», — skazaŭ Alaksandr Łukašenka.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary