Alaksandr Łukašenka siońnia na naradzie ŭ Pałacy Niezaležnaści zapatrabavaŭ razabracca z «raspaŭsiudžvalnikami fejkaŭ» pra śmierci z-za karanavirusa, pieradaje BiełTA.
«Valeryj Paŭłavič [staršynia KDB Vakulčyk], užo chopić na heta hladzieć. Treba dobra prajścisia pa hetych sajtach, kanałach. Zahinuła žančyna ŭ Viciebsku — nijakaha tam karanavirusa, i paśla hibieli ŭziali analizy niekalki razoŭ. Mnie dakładvajuć pa kožnym vypadku padobnych śmierciaŭ. Niama, uziali, raskatali, što zahinuła nibyta ad karanavirusa. Dla čaho? Kab stvaryć paniku», — zajaviŭ Alaksandr Łukašenka.
Jon padkreśliŭ, što nieabchodna razabracca z «niahodnikami, jakija ŭkidvajuć hetyja fejki». «Navošta jany ludziej atručvajuć?» — spytaŭ jon.
Kamientary