Kiraŭniki dziaržaŭnych ustanoŭ i pradpryjemstvaŭ Słonima (Hrodzienskaja vobł.) na hetym tydni atrymali list ad hałoŭnaha redaktara dziaržaŭnaj rajonnaj haziety «Słonimski vieśnik» Maryi Daniuk z prośbaj aformić na hetaje vydańnie indyvidualnuju padpisku kožnamu supracoŭniku. «Za košt rabotnikaŭ, prafkama albo arhanizacyi», — paznačajecca ŭ liście.
Jak paviedamlajecca ŭ zvarocie, heta robicca «z metaj vykanańnia rasparadžeńnia kiraŭnika rajona Iosifa Paŭlukieviča i realizacyi respublikanskaj i rajonnaj prahram raźvićcia dziaržaŭnaj haziety “Słonimski vieśnik” pa zabieśpiačeńni padpisnoha nakładu na 2-hi kvartał 2009 hoda».
Bolš za toje, da 25 sakavika kožnamu kiraŭniku dziaržustanovaŭ nieabchodna zrabić spravazdaču — piśmova prainfarmavać ideałahičny adździeł rajvykankama, pieraličyŭšy kolkaść rabotnikaŭ kalektyvu i kolkaść padpisčykaŭ na «Słonimski vieśnik».
Pavodle spn. Daniuk, z hetymi źviestkami budzie aznajomleny kiraŭnik Słonimskaha rajona.
Nahadajem: litaralna na minułym tydni, 12 sakavika, novapryznačany hiendyrektar RUP “Biełpošta” Juryj Komar admoviŭ u raspaŭsiudzie praz padpisku niedziaržaŭnym słonimskim rehijanalnym vydańniam «Hazieta Słonimskaja» i «Otdušina».
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary