Novym pasłom Biełarusi ŭ KNR staŭ Mikałaj Snapkoŭ, jaki zajmaŭ raniej pasadu namieśnika kiraŭnika Administracyi prezidenta. Pry jaho pryznačeńni kiraŭnik dziaržavy źviarnuŭ asablivuju ŭvahu na toje, što ŭ Mikałaja Snapkova vydatnyja adnosiny z kiraŭnictvam KNR.
— Viadoma, adychod z Administracyi prezidenta čałavieka, jaki vielmi dobra viedaje rabotu ŭrada, praktyčnuju pracu (papracavaŭ u halinie), heta budzie na pieršym časie, prynamsi, strata prystojnaja. Ja razumieju heta. Ale vybaru inšaha ŭ nas niama. U Mikałaja Hienadzieviča vydatnyja adnosiny z kiraŭnictvam Kitajskaj Narodnaj Respubliki: jaho viedajuć usie — pačynajučy ad Si Czińpina i zakančvajučy čynoŭnikami ŭ Ministerstvie zamiežnych spraŭ. Kitaj — heta surjozny pryjarytet našaj krainy. My ŭsio bolš i bolš abapirajemsia na dapamohu Kitaja. Heta nie tolki pra budaŭnictva pierśpiektyŭnych pradpryjemstvaŭ u našaj krainie, kredytavańnie, ale i pra rynak Kitaja, jaki adkryty dla nas nastolki, nakolki my možam tudy ŭvajści.
Łukašenka dadaŭ, što Mikałaj Snapkoŭ kuryravaŭ hety kirunak i vielmi dobra jaho viedaje:
— Ja, ščyra kažučy, raźličvaju, što my ažyćciavim sapraŭdny praryŭ na praciahu vašaj pracy tam.
Kolki vy tam budziecie pracavać — heta zaležyć ad vas: realizujecie zadačy za hod, značyć praz hod viernieciesia ŭ krainu. Važny vynik. Vy dobra viedajecie maje patrabavańni ŭ hetym płanie i viedajecie, što takoje Kitaj. Vielmi važnyja zadačy ŭ nas stajać pa raźvićci adnosin z hetaj vielmi siabroŭskaj dla nas krainaj. Hihanckaj krainaj. Ja prosta časam dumaju: heta ščaście dla nas, što my ŭ svoj čas pravilna vybrali kurs na siabroŭstva z Kitajem, kali jon jašče nie byŭ takim, jaki jon jość ciapier. Tady jon tolki na nohi ŭstavaŭ. Ale tam treba vielmi surjozna pracavać, upivacca svaimi pośpiechami nielha.
Pavodle słoŭ Alaksandra Łukašenki, KNR, RF, ES — heta «monstry», ź jakimi za ščaście ličać supracoŭničać lubyja dziaržavy. Dla nas, jak dla krainy z ekspartaaryjentavanaj ekanomikaj, heta vielmi važna.
— Hałoŭnaje — pytańni ekanomiki, raźvićcio handlova-ekanamičnych suviaziaŭ. Usio astatniaje ŭ nas u supracoŭnictvie z Kitajem, jak i ź inšymi krainami — toj ža Rasijaj, Jeŭrasajuzam, ZŠA, — u nas heta jość. Treba hety palityka-dypłamatyčny dom pastavić na tryvały padmurak.
Alaksandr Łukašenka taksama dadaŭ: na nastupnym tydni Mikałaj Snapkoŭ jašče surjozna papracuje ŭ Administracyi prezidenta.
Ciapier čytajuć
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»4
Kamientary