Aktyvisty biełaruskaj Respublikanskaj partyi vystupili 18 studzienia z zajavaju pra adchileńnie ad kiraŭnictva partyjaj jaje kiraŭnikoŭ. Z adpaviednym videazvarotam vystupili siabra Centralnaj upravy Respublikanskaj partyi Andrej Bažko (na fota ŭ centry) dy byłyja kandydaty ŭ deputaty ad palityčnaj siły Mikałaj Šybieka dy Jaŭhien Kazłoŭski.
«Zaraz Respublikanskaja partyja znachodzicca ŭ krytyčnym stanie. Prychilniki i aktyŭ partyi demaralizavanyja, adsutničaje partyjnaja aktyŭnaść, novyja partyjnyja struktury nie stvarajucca, pad pahrozaj likvidacyi dziejnyja», — zajaviŭ Bažko.
Pavodle jaho słovaŭ, partyja na čale z Uładzimiram Biełazoram bolš za 10 hadoŭ znachodziacca ŭ stahnacyi. Bažko adznačyŭ, što kiraŭnictva partyi pieraškadžaje dziejnaści aktyvistaŭ, nie daje dałučacca novym čalcam, supraćdziejničaje navat stvareńniu sajta i adkryćciu bankaŭskaha rachunku. Hetak i niezarehistravanaja partyjnaja simvolika, stračanyja archivy partyi.
«Dziejańni kiraŭnika partyi kateharyčna nieprymalnyja dy supiarečać statutu», — dadaŭ jon.
U suviazi z hetym aktyvisty vykazali votum niedavieru Biełazoru dy abvieścili siabie arhanizacyjnym kamitetam dla sklikańnia pazačarhovaha źjezda, jaki ŭziaŭ na siabie pravy kiraŭnictva Respublikanskaj partyi.
«Isnujučaja centralnaja ŭprava ličyć raspuščanaj i nielehitymnaj», — adznačyŭ Bažko.
Jak viadoma, sioleta ŭ partyju pryjšła moładź z «Havary praŭdu». Mienavita Andrej Bažko, Jaŭhien Kazłoŭski, Mikałaj Šybieka byli kandydatami ŭ deputaty pa Minsku. Nichto ź ich nie staŭ deputatam Pałaty pradstaŭnikoŭ, a vybarčyja kamisii napisali im mizernyja ličby.
Sama Respublikanskaja partyja była zasnavanaja ŭ 1994 hodzie, z taho času joj niaźmienna kiravaŭ Uładzimir Biełazor. U saviecki čas jon byŭ kamsamolskim rabotnikam. Pa razvale SSSR pracavaŭ ekanamistam u Dziaržkampracy. Siońnia Biełazoru — 71 hod.
Respublikanskuju partyju nazyvali praŭładnaj, ale sioleta Biełazor daŭ intervju «Biełaruskamu partyzanu», dzie nazvaŭ svaju arhanizacyju apazicyjnaj.
Raniej partyja nazyvała siabie centrysckaj i adnosić siabie da «kanstruktyŭnaj apazicyi». U zadačach partyi — intehracyja Biełarusi nie tolki z Rasijaj, ale i z krainami Zachadu, a taksama vychad našaj krainy z ekanamičnaha kryzisu. Kančatkovaja meta — zabieśpiačeńnie vysokaha standartu i jakaści žyćcia hramadzian našaj krainy.
Ciapier čytajuć
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca9
Usie hadajuć, čamu Miesiac źmianiŭ svajo stanovišča na niebie. Spytali ŭ astranoma, što adbyvajecca
Časam niečakanaja historyja biełaruskich himnaŭ: «My vyjdziem ščylnymi radami», «Pahonia», «Žyvie Biełaruś», «Radzima maja darahaja», «Mahutny Boža» (ź VIDEA)1313
Kamientary