Sienat Jeŭrapiejskaha humanitarnaha ŭniviersiteta (EHU) adnahałosna pryniaŭ rašeńnie ab nadańni stupieni Hanarovaha doktara vybitnamu dziejaču biełaruskaj emihracyi Vitaŭtu Kipielu «za samaaddanaść spravie biełaruskaj aśviety i kultury zamiežža», paviedamlaje pres-słužba ŭniviersiteta
D-r Vitaŭt Kipiel — vypusknik biełaruskaj himnazii imia Ja. Kupały ŭ Rehiensburhu, doktar minierałohii Lovienskaha katalickaha ŭniviersiteta (Bielhija), doŭhačasovy vykanaŭčy dyrektar Daśledčaha centra navuki i technałohii Ńju-Jorkskaj publičnaj biblijateki. U 1975 hodzie d-r Kipiel byŭ uznaharodžany miedalom Paniavolenych narodaŭ Ejzienchaŭera.
Ad 1982 hoda doktar Kipiel zajmaje pasadu staršyni adnoj z najbolš upłyvovych biełaruskich navukovych ustanoŭ zamiežža — Biełaruskaha instytuta navuki i mastactva ŭ Ńju-Jorku.
Vitaŭt Kipiel byŭ namieśnikam staršyni Sajuza biełarusaŭ Bielhii, stvaralnikam i dyrektaram biełaruskich fiestyvalaŭ u Ńju-Džersi, vykładaŭ u biełaruskaj škole ŭ Bruklinie, a taksama na praciahu 1960—1980-ch stała supracoŭničaŭ ź biełaruskaj redakcyjaj «Radyjo Svaboda».
Taksama 1972—1982 hh. jon zajmaŭ pasadu staršyni Fiederacyi biełaruskich respublikanskich kłubaŭ, a ŭ 1974 hodzie byŭ abrany na staršyniu Respublikanskaj fiederacyi etničnych kłubaŭ štata Ńju-Džersi. U 1978—1982 hadach d-r Kipiel byŭ staršyniom Etničnaj rady štata Ńju-Džersi.
Siarod najbolš hruntoŭnych akademičnych unioskaŭ d-ra Kipiela źjaŭlajecca praca «Biełarusy ŭ ZŠA», vydadzienaja pa-biełarusku ŭ 1993 hodzie i pa-anhlijsku ŭ 1999 hodzie. U 2018 h. kniha była dapracavana i pieravydadziena ŭ Minsku. Dziakujučy hetaj knizie, d-ra Kipiela možna pa-sapraŭdnamu ličyć baćkam navukovaha biełaruskaha emihracyjaznaŭstva. 600-straničnaja praca dahetul zastajecca kaštoŭnaj krynicaj viedaŭ ab historyi biełaruskaj spravy ŭ ZŠA.
Z momantu zasnavańnia EHU u 1992 hodzie stupień Hanarovaha doktara była nadadziena takim vybitnym dziejačam kultury, palityki i mastactvaŭ, jak ajciec Alaksandr Nadsan, Aleś Razanaŭ, Kšyštaf Zanusi, praf. Siarhiej Avieryncaŭ, d-r Džonatan Fentan, d-r Chans-Hiert Piotterynh, praf. Alhirdas Brazaŭskas.
-
Kibierpartyzany daviedalisia pra jašče adnaho ahienta KDB, jaki moža być datyčnym da źniknieńnia Mielnikavaj
-
U Homieli piensijanier vysadziŭ u dvary drevy. Ale ich vierchaviny paabłomvała złaja 90-hadovaja susiedka
-
U Biełarusi zabaranili kitajskija telefony. Norma ŭtrymańnia śvincu ŭ ich była pieravyšana ŭ 330 razoŭ
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii13
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4040
Kamientary