Kamandujučy štaba armii Tajvania, hienierał VPS Šen Imin i jašče siem čałaviek zahinuli ŭ vyniku avaryjnaj pasadki vajskovaha viertalota ŭ hornaj miascovaści, paviedamlaje bbc.com.
Na viertalocie «Čorny jastrab», jaki lacieŭ da armiejskaj bazy na paŭnočnym uschodzie Tajvania, znachodziłasia 13 čałaviek, u tym liku pradstaŭniki kiraŭnictva armii.
Viertalot vylecieŭ z avijabazy Sonhšań ŭ Tajbei i nakiroŭvaŭsia na bazu ŭ Duńaa, paviedamiŭ Focus Taiwan.
Viertalot ździejśniŭ avaryjnuju pasadku prykładna praz paŭhadziny paśla vyletu, paśla taho, jak dyśpietčary stracili ź im suviaź, paviedamlaje Ministerstva abarony Tajvania.
Trahiedyja adbyłasia niezadoŭha da prezidenckich vybaraŭ u Tajvani, zapłanavanych na 11 studzienia. Na ich dziejnaja prezident Caj Inveń ad Demakratyčnaj prahresiŭnaj partyi (DPP), jakaja vystupaje za žorstki kurs u dačynieńni da Piekina, spadziajecca pieraabracca na druhi termin.
Joj supraćstaić Chań Hajuj z partyi Hamińdan, jaki vystupaje za bolš ciesnaje supracoŭnictva ź Piekinam.
Tajvań nie padparadkoŭvajecca kitajskamu ŭradu ad 1949 hoda, kali vostraŭ staŭ apošnim bastyjonam nacyjanalistyčnaj partyi Hamińdan, jakaja paciarpieła parazu ŭ hramadzianskaj vajnie z kamunistami ŭ Kitai.
Piekin ličyć vostraŭ miaciežnaj pravincyjaj, jakaja kaliści abjadnajecca z Kitajem. Lidar Kitaja Si Czińpin nie vyklučaje prymianieńnia siły, kab ažyćciavić heta.
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie28
Kamientary