33-hadovaja dysidentka z Salihorsku zrabiła sabie śmierć
paśla taho jak jaje zasudzili da 2,5 hadoŭ chimii za łžyvy danos.
paśla taho jak jaje zasudzili da 2,5 hadoŭ chimii za łžyvy danos.
Pavodle Michajłoŭskaj, jana kazała, što nie pieražyvie sudu i zajaŭlała, što nia ličyć siabie vinavataj. Tamu paśla sudu jana navat admoviłasia pisać kasacyjnuju skarhu. Raisa Michajłoŭskaja ahučyła hetuju navinu padčas vystupu na Asamblei niaŭradavych arhanizacyjaŭ, jakaja prachodzić u Miensku. Jaje ŭdzielniki chvilinaj maŭčańnia ŭšanavali pamiać Palakovaj. Abvieščany zbor srodkaŭ na pachavańnie pravaabaroncy.
Nahadajem, na hetym tydni sud Salihorskaha rajonu vynies prysud pa kryminalnaj spravie ŭ dačynieńni da 33-hadovaj Jani Palakovaj, jakaja abvinavačvałasia pa častcy 2 artykułu 400 Kryminalnaha kodeksu (zaviedama iłžyvy danos). Prysud: 2 hady 6 miesiacaŭ abmiežavańnia voli — tak zvanaj «chimii». Akramia taho, sud acaniŭ maralnuju škodu, naniesienuju byłomu ŭčastkovamu Puhačovu, u pamiery 1 000 000 rubloŭ.
— Dla Jani hety prysud byŭ šokam, — raskazvaje pravaabaronca Valer Ščukin, jaki prysutničaŭ u jaje na sudzie. — Ja amal ceły dzień pravioŭ u jaje paśla hetaha sudu, jana paŭtarała adno: «Ja nia budu zečkaj». Pomniu, kali mianie pasadzili pieršy raz, žonka saromiełasia ŭ horad vychodzić, joj zdavałasia, što heta hańba.
Musić, tak i ŭ Jani było. Tolki jana była vielmi emacyjnym čałaviekam, i nia vytryvała.
* * *
Redakcyja «NN» smutkuje razam z svajakami i ziemlakami Jani Palakovaj. Viečnaja pamiać!
Ciapier čytajuć
U sacsietkach Chlastova apublikavałasia videa, zapisanaje na vypadak jaho zatrymańnia. Sam śpiavak na Akreścina14
Kamientary