Polskaja presa: Biełarusy zamieniać ukraincaŭ na polskich pradpryjemstvach?
Toje, što raniej abmiarkoŭvałasia tolki na ŭzroŭni ekśpiertaŭ i ahienctvaŭ, užo adkryta abmiarkoŭvajecca ŭ polskaj presie. Z 2020 hoda Niamieččyna adkryvaje svoj rynak pracy dla ŭkraincaŭ, i Polšča aścierahajecca, što praz adjezd ukraincaŭ jana moža stracić niekalki miljonaŭ rabotnikaŭ. Kali z Polščy źjedzie niekalki miljonaŭ ukraincaŭ, heta niepasredna moža zakranuć Biełaruś, bo vakuum, jaki ŭtvorycca na polskim rynku pracy, budzie prosta jak pyłasos vysmoktvać biełarusaŭ u susiedniuju krainu.
Pra heta ŭ adnym z numaroŭ piša Gazeta Polska Codziennie u materyjale pad nazvaj «Biełarus zamienić ukrainca ŭ našych firmach?».
«Ci vykliča adkryćcio niamieckaha rynku pracy 1 studzienia 2020 hoda adjezd ukraincaŭ i inšych pracoŭnych mihrantaŭ z Polščy? — pytajecca hazieta i adrazu supakojvaje svaich čytačoŭ: — Biespracoŭje na ŭschodzie nastolki vysokaje, a zarpłata takaja nizkaja, što prytok pracoŭnych adtul nie źmienšycca».
Heta paćviardžajuć i ekśpierty. Na ich dumku, rašeńnie dla polskich kampanij u dyviersifikacyi kirunkaŭ naboru rabotnikaŭ i adkryćci polskaha rynku pracy dla inšych nacyjanalnaściaŭ.
«Byłyja savieckija respubliki, naprykład Biełaruś, Małdova, Hruzija, Azierbajdžan i Armienija, pastupova stanoviacca važnymi krynicami kadravych resursaŭ, kaža prezident kampanii Smart Work Maryjuš Chašoŭski.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach8
Kamientary