Jarmošyna pra ŭkid biuleteniaŭ u Breście: Naziralnika treba pazbavić akredytacyi
Kiraŭnik CVK Lidzija Jarmošyna ličyć, što naziralnik u Breście, jaki źniaŭ na videa sprobu, ź jaho punktu hledžańnia, ukinuć pačak biuleteniaŭ u skryniu, parušyŭ zakon i pavinien być pazbaŭleny akredytacyi, piša Tut.by.
— Jon ździejśniŭ złosnaje parušeńnie zakona i hramadzianskaha, i vybarčaha. Pa-pieršaje, nikoha nielha zdymać — ni dziaŭčat, ni junakoŭ, — bieź ich zhody. Zdymać na vybarčym učastku možna tolki sa zhody staršyni ŭčastkovaj kamisii. Nielha krucicca kala skryni dla hałasavańnia. I tym bolš nielha patrabavać štości ŭ hramadzian. Jon što, učastkovy opierupaŭnavažany, kab jamu demanstravali, što ŭ ich znachodzicca ŭ rukach? — zajaviła Jarmošyna.
Kiraŭnik CVK ličyć, što ŭsio toje, što ździejśniŭ naziralnik, - heta prosta niedapuščalna. I učastkovaj vybarčaj kamisijaj budzie dadziena naležnaja acenka jaho dziejańniam.
- Što ž tyčycca taho, što ŭ jaje byŭ pačak. My nie viedajem, što ŭ jaje było ŭ rukach. I vybarčaja kamisija, kali my havorym pra aburalnyja fakty, zusim ni pry čym, bo sam naziralnik paćviardžaje, što vybarčaja kamisija vydała joj tolki adzin vybarčy biuleteń. Tamu tut insinuacyi. Bolš za toje, ja mahu skazać, što ŭ nas, byvaje, hramadzianie apuskajuć nie tolki biuleteni, ale i pietycyi ŭ skryni dla hałasavańnia, kab jany dajšli. Tamu tut heta ŭsio na ŭzroŭni zdahadak, stvorany skandał, pryčym stvorany skandał pa vinie naziralnika, - zajaviła kiraŭnik CVK.
Ciapier čytajuć
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary