Kamień z dušeŭnym nadpisam u Kijaŭcy za svaje hrošy pastaviŭ siabar «Schodu naščadkaŭ šlachty». I heta jašče nie ŭsio
«Dzie vy bačyli, kab śviatary tracili hrošy na spravu, jany ich tolki źbirajuć», — kaža staršynia hramadskaha abjadnańnia «Schod naščadkaŭ šlachty» Ihar Čakałaŭ-Šydłoŭski.
Uzrušajecca jon nakont nie zusim dakładnaj infarmacyi pra toje, što kamień z nadpisam pa-biełarusku ŭ vioscy Kijaviec Vałožynskaha rajona ustalavaŭ miascovy baciuška.
«Nasamreč, kamień z našym šlachieckim devizam: «Słužu Ajčynie, adkazvaju pierad Boham» za svaje srodki ŭstalavaŭ siabra našaha schodu Uładzimir Kapuścin. Na praciahu amal dvuch hadoŭ jon damaŭlaŭsia sa skulptaram, jaki narešcie ažyćciaviŭ zadumu Uładzimira», — raspaviadaje Ihar Čakałaŭ-Šydłoŭski.
Ihar dadaje, što ŭstalavańnie kamieniu ŭ Kijaŭcy — heta daloka nie adzinaja akcyja abjadnańnia.
«U kastryčniku jašče adzin siabra našaj arhanizacyi Francišak Žyłka za svaje hrošy pastaviŭ kamień z bareljefam mastaka Jana Bułhaka ŭ vioscy Pierasieka, što ŭ Minskim rajonie. Ciapier my aktyŭna trasiom Łahojsk, kab nadać adnoj z vulic imia hrafa Tyškieviča», — raskazaŭ Ihar Čakałaŭ-Šydłoŭski.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam7
Kamientary