U aŭtorak prezident Litvy Hitanas Naŭsieda, jaki znachodzicca ŭ Chielsinki, zaprasiŭ Finlandyju ŭnieści ŭkład u zabieśpiačeńnie biaśpieki BiełAES, piša Delfi.
Naŭsieda adznačyŭ, što ŭ Finlandyi jość śpiecyjalisty, jakija mahli b dapamahčy biełarusam u pavyšeńni biaśpieki stancyi.
«Maja ideja — skarystacca vašym vopytam u hetaj śfiery, nazapašanym u Finlandyi, u vas jość vielmi dobryja śpiecyjalisty vysokaj kvalifikacyi, jakija mohuć dapamahčy Biełarusi ŭkaranić ŭsie nieabchodnyja zaścierahalniki abo standarty jakaści», — zajaviŭ Naŭsieda na sumiesnaj z prezidentam Finlandyi Saŭli Niiniścio pres-kanfierencyi.
«Mabyć, supracoŭnictva ŭ hetaj śfiery było b vielmi dobrym, vielmi vyhadnym dla ŭsich krain», — skazaŭ jon.
«Vopyt finaŭ u pytańniach atamnaj biaśpieki znachodzicca na vysokim uzroŭni, i ja pierakanany, što jon byŭ by karysnym, kali ŭbačycie ŭ hetym patrebu…», — skazaŭ prezident Finlandyi.
«Havorka idzie nie pra abutkovuju fabryku, dzie možna ŭžyć lubyja patrabavańni jakaści padčas pracesu vytvorčaści. My havorym pra atamnuju stancyju ŭ centry Jeŭropy», — padkreśliŭ litoŭski prezident.
U Finlandyi «Rasatam» taksama ŭdzielničaje ŭ budaŭnictvie AES Chanchikivi-1 u zachodniaj častcy krainy, u Piuchiajoki.
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam6
Kamientary