Z statystyki Biełstatu vynikaje, što VUP u studzieni nie tolki nie vyras, ale źniziŭsia prykładna na 5%. Piša Barys Tumar.
Urad abvieściŭ, što ŭ studzieni vałavy ŭnutrany pradukt biełaruskaj haspadarki praciahvaŭ raści nazło ŭsim voraham i nasupierak tamu, što VUP bolšaści inšych krainaŭ Jeŭropy źniziŭsia abo zamior. Jakim čynam byŭ dasiahnuty taki cud?
Asnoŭnym składnikam pośpiechu staŭ fantastyčny rost inviestycyj u asnoŭny kapitał biełaruskich pradpryjemstvaŭ — byccam by jon skłaŭ ažno 24,9%. Heta značyć, pradpryjemstvy choć i masava prastojvali, ale praciahvali ŭdarnymi tempami zakuplać novyja vytvorčyja linii, aŭtamabili i budynki. Vierym? Jes, of kos!
Druhim składnikam byŭ rost roźničnaha tavaraabarotu na 17%, «dziakujučy» devalvacyjnamu šoku.
Ale i hetaha było mała dla dasiahnieńnia simpatyčnych vynikaŭ.
Narešcie, rost cenaŭ. Biełstataŭskich źviestak pra deflatar VUP u studzieni 2009 hoda niama. Adnak
jość aficyjnyja ž, biełstataŭskija źviestki pra deflatar VUP u 2008 hodzie — 20,6% i ŭ 4-m kvartale 2008 hodu — 20,2%.I jość źviestki pra stan cenaŭ u studzieni, na asnovie jakich vyličvajecca deflatar, hety indeks siaredniaha rostu cenaŭ u haspadarcy.
Dyk voś, indeksy rostu cenaŭ abo vyraśli ŭ studzieni proci 4-ha kvartału, abo zastalisia prykładna na tych ža ŭzroŭniach. Vyras indeks rostu spažyvieckich cenaŭ (u studzieni jon byŭ na 0,4% pracentavyja punkty vyšejšy, čym u 4-m kvartale — 15% suprać 14,6). Vyras indeks rostu cenaŭ pramysłovych vytvorcaŭ (u 4-m kvartale jon byŭ 18%, u studzieni staŭ 19,9).
Takim, čynam, možna zrabić vysnovu, što indeks-deflatar u studzieni taksama vyras z 20,2%, jakija jon składaŭ u 4-m kvartale, da prykładna 20,5-21%.
Abjom VUP u studzieni 2008 hodu skłaŭ u biahučych cenach 7,9 tryljona rubloŭ, a ŭ studzieni 2009 hodu – 9,1 tryljona rubloŭ. Adnak heta ŭ biahučych cenach. A VUP zaŭždy raźličvajecca ŭ supastaŭnych cenach, ź pieralikam praz deflatar. Dyk voś,
pry pieraliku praz deflatar vychodzić, što VUP Biełarusi ŭ studzieni źniziŭsia prykładna na 5%.
Zajaŭleny Biełstatam rost 4,2% vychodzić tolki, kali pryniać studzieński deflatar mienšym prykładna ŭdvaja za jaho realny pamier.
Majem spravu z falsifikacyjaj pakazčykaŭ?
«Nu čaho hetyja pisaki ŭsio prydzirajucca? — skaža ideołah. — Navat kali ŭ vašych słovach i jość dola praŭdy, heta ž robicca z dobrymi namierami — kab stvaryć u ludziej dobry psichałahičny fon, kab im zdavałasia, što situacyja stabilnaja, kraina idzie ŭ pravilnym kirunku, kab jany vieryli kiraŭnictvu. Usio heta spryjaje kali nie rostu pradukcyjnaści pracy, dyk prynamsi spakojnamu snu. I tak patrochu-patrochu i kryzis pieraśpim».
Baju-baju, luli-luli...
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty50
Kamientary