Alaksandr Łukašenka padpisaŭ ukaz «Ab davańni i pryciahnieńni pazyk». Dakumient nakiravany na ŭdaskanaleńnie zakanadaŭstva ŭ śfiery ažyćciaŭleńnia mikrafinansavaj dziejnaści. Heta dazvolić pašyryć instrumienty mikrafinansavańnia dla raźvićcia pradprymalnictva i pavysić uzrovień abaronienaści spažyŭcoŭ takich pasłuh, paviedamili BiełTA ŭ pres-słužbie biełaruskaha lidara.
Ukazam zaćvierdžany paradak stvareńnia niekamiercyjnych mikrafinansavych arhanizacyj u formie spažyvieckaha kaapieratyva i ich funkcyjanavańnia.
Pašyrany pieralik asob, jakija mohuć być členami spažyvieckich kaapieratyvaŭ finansavaj uzajemadapamohi. Imi zmohuć stać fizičnyja asoby, jakija ažyćciaŭlajuć vytvorčaść sielhaspradukcyi, vidy dziejnaści, pry jakich vypłačvajecca adziny padatak, a taksama subjekty małoha i siaredniaha pradprymalnictva.
Taksama pašyrajecca pieralik dazvolenych dla łambardaŭ vidaŭ dziejnaści. Jany atrymajuć prava davać mikrapazyki hramadzianam pad zakład transpartnych srodkaŭ biez abaviazku pieradačy pradmieta zakładu łambardu, ažyćciaŭlać kamisijny handal, zachoŭvać rečy i nabyvać ich dla dalejšaj realizacyi.
Ukazam pradstaŭlena mahčymaść vydačy mikrapazyk pad zakład ruchomaj majomaści jurydyčnym asobam, u statutnym fondzie jakich dola ŭłasnaści dziaržavy składaje 50% i bolš, jakija akazvajuć bytavyja pasłuhi nasielnictvu i zarehistravanym u sielskaj miascovaści. Takuju mahčymaść atrymajuć taksama jurydyčnyja asoby, jakija ažyćciaŭlajuć skupku kaštoŭnych mietałaŭ i kamianioŭ dla papaŭnieńnia Dziaržaŭnaha fondu kaštoŭnych mietałaŭ i kaštoŭnych kamianioŭ.
Adnačasova ŭ metach praduchileńnia niadobrasumlennaj praktyki davańnia mikrapazyk i abarony pravoŭ spažyŭcoŭ hetych pasłuh anulavana prava vydačy takich pazyk niekamiercyjnymi arhanizacyjami, stvoranymi ŭ formie fondaŭ. Bo čaściakom padobnaha rodu arhanizacyi padavali ŭltrakarotkija pazyki biez zakładu pa staŭcy, jakaja pieravyšaje 530% hadavych.
Abmiežavanyja pamiery naležnych mikrafinansavaj arhanizacyi pracentaŭ (nie bolš za dvuchrazovuju sumu mikrapazyki, pradastaŭlenaha pazyčalniku), niaŭstojki, štrafaŭ i pieniaŭ (nie bolš za pałovu pamieru mikrapazyki).
Akramia taho, zamacavany pravy spažyŭcoŭ pasłuh, u tym liku ŭ častcy atrymańnia poŭnaj i peŭnaj infarmacyi pra ŭmovy dahavora mikrapazyki, pravilnaha raźliku pracentaŭ. Zafiksavanyja paŭnamoctvy Nacyjanalnaha banka pa kirunku pradpisańniaŭ (patrabavańniaŭ) mikrafinansavych arhanizacyi ŭ vypadkach parušeńnia imi zakanadaŭstva. Ustanoŭleny patrabavańni da rekłamy dziejnaści pa pradastaŭleńni pazyk, a taksama infarmacyi, jakaja raźmiaščajecca na sajtach mikrafinansavych arhanizacyj.
U adpaviednaści z ukazam, statutny fond mikrafinansavych arhanizacyj budzie farmiravacca vyklučna šlacham uniasieńnia hrašovych srodkaŭ. Minimalny pamier takoha fondu budzie vyznačać Nacyjanalny bank.
Na pratestancki fiestyval u «Čyžoŭku-Arenu» jedzie amierykanski prapaviednik Franklin Hrem. Razam ź im čakajuć Koŭła z žonkaj14
Kamientary