Łukašenka pra Słužbu biaśpieki prezidenta: Dziakujučy vam u Biełarusi zachoŭvajecca mir i paradak
Kiraŭnik dziaržavy ŭznaharodziŭ dziaržaŭnymi ŭznaharodami šerah vajennasłužačych Słužby biaśpieki prezidenta, a taksama ŭručyŭ pahony starejšamu aficerskamu składu SBP, pieradaje BIEŁTA.
Uračystaje mierapryjemstva ŭ Pałacy Niezaležnaści prajšło napiaredadni 25-hodździa Słužby biaśpieki prezidenta. Alaksandr Łukašenka nazvaŭ hetuju datu čarhovy značnaj viachoj u historyi hetaha padraździaleńnia.
«Čverć stahodździa tamu my stvarali słužbu praktyčna z nula. Nie było asablivych resursaŭ, dy i vopytu. Ale byli ludzi i hłybokija tradycyi toj vialikaj krainy. Farmujučy padraździaleńnie z novymi kampietencyjami, my adbirali lepšych supracoŭnikaŭ siłavych viedamstvaŭ Biełarusi - prafiesijanałaŭ, patryjotaŭ z vysokim pačućciom abaviazku pierad dziaržavaj i narodam», — padkreśliŭ kiraŭnik dziaržavy.
Jon adznačyŭ, što siońnia ŭ rasparadžeńni SBP jość samaja sučasnaja zbroja, a supracoŭniki słužby zdolnyja jakasna vyrašać samyja składanyja zadačy ŭ lubym punkcie Biełarusi, u ekstremalnych situacyjach hatovyja dziejničać strymana, vyrazna, zładžana, niezaŭvažna, ale efiektyŭna.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach28
Kamientary