69-hadovaja hamialčanka pieraviała na rachunak «brokiera» bolš za 20 tysiač dalaraŭ i ŭsio straciła
69-hadovaja žycharka Homiela zarehistravałasia na internet-resursie handlovaha brokiera. Pavodle instrukcyi, jakaja pastupiła joj pa mabilnym telefonie ad «mieniedžara» internet-resursa, žančyna pieraviała sa svajoj apłatnaj karty na rachunak elektronnaha kašalka bolš za 17 tysiač rasijskich rubloŭ.
Paśla hetaha na jaje virtualnym rachunku na internet-resursie adlustravałasia zaličanaja suma 240 dalaraŭ. Praź niekatory čas, nibyta ŭ vyniku paśpiachovych biržavych tarhoŭ, praviedzienych «mieniedžaram» hamialčanki, suma na jaje rachunku značna pavialičyłasia. Praź niekatory čas žančyna pieraviała na nazvany «mieniedžaram» rachunak bolš za 10 tysiač biełaruskich rubloŭ. U jaje asabistym virtualnym kabiniecie adlustravałasia suma ŭ 5 tysiač dalaraŭ ZŠA, jakaja praz paru miesiacaŭ pavialičyłasia bolš čym u dva razy. Kali žančyna vyrašyła vyvieści hrošy na svaju realnuju bankaŭskuju kartku, druhi nieviadomy «rabotnik» internet-resursa paviedamiŭ joj ab nieabchodnaści apłacić roźnicu ŭ kursach kryptavalut i roznyja kamisii. U vyniku hamialčanka pieraviała na nazvanyja joj rachunki bolš za 36 tysiač biełaruskich rubloŭ. Adnak hrošy na jaje kartku tak i nie pastupili. Paśla čaho žančyna źviarnułasia ŭ milicyju.
Zaviali kryminalnuju spravu pa č. 4 art. 209 (machlarstva ŭ asabliva bujnym pamiery) Kryminalnaha kodeksa Respubliki Biełaruś. Pravodzicca rasśledavańnie.
Kamientary