Stanie niedastupnaj i infarmacyja ab stanie inviestycyj.
Z novaha hodu Nacyjanalny statystyčny kamitet (Biełstat) raźmiaščaje štomiesiačnyja dakłady na svaim sajcie. Z adnaho boku, taki krok možna vitać. Padpisantam (siarod jakich byli i ŚMI) zaraz nie treba vykładvać hrošy za statystyčnuju infarmacyju. Adpaviedna, jana stanie bolš dastupnaj. A ź inšaha boku, biaspłatnaja viersija ŭrezanaja, kali paraŭnać jaje z toj, što pradavałasia.
U dakładzie ab sacyjalna-ekanamičnym stanoviščy ŭ Biełarusi za studzień 2009 hadu, jaki Biełstat na dniach upieršyniu vykłaŭ u adkryty dostup, niama šerahu cikavych pakazčykaŭ. U pryvatnaści, heta tyčycca źviestak ab zapasach na pramysłovych pradpryjemstvach asnoŭnych vidaŭ hatovaj pradukcyi. Hetyja źviestki i raniej byli cikavyja žurnalistam i nieabyjakavym da ekanomiki hramadzianam. A zaraz, kali ŭrad viadzie niaroŭnaje zmahańnie z «nastupstvami suśvietnaha finansava-ekanamičnaha kryzisu», hetaja infarmacyja ŭjaŭlaje jašče bolšuju cikavaść. Ale jana stała niedastupnaj.
Istotna zrezanaj padajecca i statystyka pa inviestycyjach. U pryvatnaści, adsutničaje infarmacyja ab tym, jak vykonvajuć prahnoz pa inviestycyjach u asnoŭny kapitał respublikanskija orhany dziaržkiravańnia i inšyja arhanizacyi, padparadkavanyja ŭradu. Taksama zakrytymi stali źviestki ab inviestycyjach u asnoŭny kapitał pa krynicach finansavańnia. Naprykład, zaraz niezrazumieła, kolki srodkaŭ było pryciahnuta za košt kredytaŭ zamiežnych bankaŭ, pazabiudžetnych fondaŭ, zamiežnych inviestycyj i h.d.
Usio, što tyčycca orhanaŭ dziaržkiravańnia (prahnozy i vyniki ich pracy), było vyrašana nie vykładvać u ahulny dostup, paviedamili ŭ pres-słužbie Biełstatu. «Heta infarmacyja nie dla šyrokaha karystańnia, a dla kiraŭničych rašeńniaŭ uradu. Navošta jaje vykładvać na ŭvieś śviet? Internet ža raźličany na šyrakaje koła karystalnikaŭ. Da nas zachodziać z roznych krain. Navošta im našy ministerstvy?» — rastłumačyli tam. Pry hetym dla orhanaŭ dziaržkiravańnia infarmacyja padajecca, jak raniej, u poŭnym vyhladzie.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary