Alaksandra Hierasimienia — pra biełaruskuju movu, hrošy i patryjatyzm
«Ja liču, što biełaruskaja mova vielmi pryhožaja, — adznačyła alimpijskaja čempijonka, płyŭčycha Alaksandra Hierasimienia ŭ vialikim intervju dla reform.by. — Moža być, ja b razmaŭlała pa-biełarusku, kali b dobra vałodała movaj i ŭ mianie byli b surazmoŭcy, jakija b razmaŭlali pa-biełarusku.
Choć šmat ludziej užo pačynaje razmaŭlać na biełaruskaj movie. Ale z-za adsutnaści praktyki, vopytu znosin prosta stanovicca soramna havaryć z pamyłkami i vielmi nie chočacca čyrvanieć».
Na pytańnie, ci bačyć jana siabie ŭ palitycy, spartsmienka adkazała: «Heta vielmi dobry šaniec prajavić siabie, prasunuć cikavuju ideju, toj ža prajekt naš vyciahnuć (Alaksandra arhanizavała kłub, u jakim dziaciej vučać płavać, u tym liku dziaciej z aŭtyzmam - Red.). Ź inšaha boku, ty znoŭ robišsia niejki pieškaj. Tak, chaciełasia b niešta zrabić, ale nie fakt, što atrymajecca. Ja pasprabuju svaim sposabam».
Kolki zarablaje tytułavanaja spartsmienka? «Ciapier užo niamnoha, ja ž zvolniłasia, — adkazała Hierasimienia.
— Ale pracuju ŭ siabie ŭ kłubie, zarablaju hrošy. Ale naohuł ja chaču skazać, što ŭ nas spartoŭcy zarablajuć niašmat. Ja nie kažu pra niejkija hulniavyja vidy sportu z kłubnaj sistemaj, dzie jany atrymlivajuć bonus ad svaich kłubaŭ. Maksimum, što ŭ nas moža atrymlivać spartsmien, - heta kala 2000 dalaraŭ. Za alimpijski miedal ty možaš atrymać tyja vyznačanyja sumy, jakija daje dziaržava».
I pa vynikach łondanskaj Alimpijady Alaksandra atrymała 150 tysiač dalaraŭ za dva miedali, addaŭšy častku na dabračynnaść. «U mianie była mahčymaść pakłapacicca ab svaim asabistym hniaździečku, ale była mahčymaść i dapamahčy sacyjalnym prajektam. Ja nie ličyła patrebnym raspaviadać pra heta publična», — skazała jana.
Na pytańnie, čamu jana zastałasia ŭ Biełarusi, kali joj z trenieram prapanoŭvali źmianić hramadzianstva, Hierasimienia adkazała: «My ludzi biełaruskija, patryjoty ŭ dobrym takim sensie. Nam doma prosta lepš, čym dzie-niebudź jašče».
Ciapier čytajuć
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary