U Minsku muž pahražaŭ zarezać žonku. Jaho zatrymali z dapamohaj AMAPa

Zdareńnie adbyłosia a siomaj ranicy pa adrasie Krapotkina, 84. U apieratyŭna-dziažurnuju słužbu Savieckaha RUUS pastupiła paviedamleńnie, što ŭ z kvater adbyvajecca bojka, čutny kryki ab dapamozie, mužčyna kidajecca z nažom na žančynu, adznačaje ŭ svaim telehram-kanale pres-sakratar MUS Volha Čamadanava.
Da miesca zdareńnia skiravaŭsia pieršy narad patrulna-pastavoj słužby milicyi. Pa ŭsich prykmietach situacyja sapraŭdy była niebiaśpiečnaja: 29-hadovy mužčyna nažom pahražaŭ raspravaj žančynie. Na kantakt z pravaachoŭnikami jon nie pajšoŭ.
Było pryniata rašeńnie zatrymlivać jaho. Na miesca prybyŭ narad AMAP. Bajcy śpiecpadraździaleńnia pranikli ŭ kvateru i zatrymali złamyśnika. Žančyna nie paciarpieła. Vyśviatlajucca pryčyny zdareńnia.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Kamientary