Elektronnyja tabło novaha ŭzoru zaŭvažyli pasažyry na niekatorych prypynkach u centry horada. Karespandent ahienctva «Minsk-Naviny» vyśviatlała, adkul jany ŭzialisia i kudy padzielisia staryja.
— Novymi hetyja tabło možna nazvać tolki ŭmoŭna, — rastłumačyŭ pieršy namieśnik hienieralnaha dyrektara — hałoŭny inžynier «Minsktransa» Aleh Dziubienka. — Matrycy ŭ ich novyja, astatnija kamplektujučyja ŭžo vykarystoŭvalisia. My razabrali na asobnyja siehmienty dva vialikija multymiedyjnyja ekrany, jakija znachodzilisia padčas II Jeŭrapiejskich hulniaŭ na chabach na Haradskim Vale i ŭ studenckaj vioscy. U vyniku vyrabili 25 elektronnych śviatłodyjodnych tabło z matrycami palepšanaj jakaści.
Pa słovach Dziubienki, ekrany novaha pakaleńnia, jakija infarmujuć pasažyraŭ pra čas, što zastaŭsia da prybyćcia transpartnaha srodku, ŭstaloŭvajucca ŭ asnoŭnym uzdoŭž hałoŭnych praśpiektaŭ zamiest tych, jakimi ŭpieršyniu abstalavali staličnyja prypynki ŭ 2012 hodzie. Jany stali słabiej śviacić i nastaŭ čas zamianić ich na bolš jakasnyja.
Ciapier elektronnymi tabło abstalavany 457 punktaŭ prypynku Minska. Sioleta, pavodle słoŭ śpiecyjalista, bolš ekranaŭ ustaloŭvać nie płanujecca.
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było14
Kamientary