Kurjoznaje zdareńnie ŭ Stolinie: busieł urezaŭsia ŭ aŭto i zastaŭsia čakać DAI
Kurjoznaje DTZ adbyłosia viečaram 4 žniŭnia na vulicy Savieckaj u Stolinie. Vinoŭnik avaryi — busieł, paviedamlaje MUS.
Ptuška, špacyrujučy pa zialonaj zonie ŭzdoŭž prajeznaj častki darohi, vyrašyła palacieć dalej. Adnak u momant ŭźlotu mima prajazdžaŭ aŭtamabil «Pryjora».
Trajektoryi ptuški i mašyny pierasieklisia, paźbiehnuć sutyknieńnia nie ŭdałosia. Niaznačnyja miechaničnyja paškodžańni atrymaŭ tolki aŭtamabil (raźbitaja fara), a voś busieł nie tolki nie paciarpieŭ, ale i dačakaŭsia prybyćcia ekipaža DAI.
Jak sumlenny vinoŭnik avaryi, jon zastavaŭsia na miescy zdareńnia. Špacyrujučy niepadalok pa nierehulavanym piešachodnym pierachodzie, jon pilna naziraŭ za pracesam afarmleńnia DTZ. I jak tolki inśpiektary skončyli z farmalnaściami, busieł pakinuŭ miesca zdareńnia i źlacieŭ.
Kamientary