Rasijski hubiernatar nazvaŭ baraćbu ź lasnymi pažarami ŭ Sibiry «biessensoŭnaj i škodnaj»
Hubiernatar Krasnajarskaha kraja Alaksandr Us ličyć biessensoŭnaj baraćbu ź lasnymi pažarami, jakija achapili amal 3 miljony hiektaraŭ tajhi, paviedamlajuć Viedomosti.
Adkazvajučy na pytańnie pra toje, jakija dziejańni robiacca dla tušeńnia lasnych pažaraŭ, jon skazaŭ: «Sprava ŭ tym, što heta zvyčajnaja pryrodnaja źjava, zmahacca ź jakoj biessensoŭna, a niedzie, mahčyma, navat i škodna».
Pavodle jaho słoŭ, lasnyja terytoryi dzielacca na zony kantrolu, dzie pažary «pa vyznačeńni nie tušać», i zony achovy, jakija achoŭvajuć ad ahniu. Da zony kantrolu Us adnios paŭnočnyja terytoryi rehijonu, dzie pažary ŭźnikajuć rehularna z-za navalnic, padčas jakich małanki bjuć u drevy. Pa słovach Usa, takoje byvała i 100, i 500 hadoŭ tamu.
Pa słovach Usa, lasnyja pažary bušujuć na terytoryi zony kantrolu, dzie pažary «pa vyznačeńni nie tušać».
«Voś kali ŭ nas zimoj u chałodnaje nadvorje ŭźnikaje miacielica, nikomu ž nie prychodzić u hałavu tapić ajśbierhi, kab u nas było ciaplej», — zajaviŭ hubiernatar.
Rasijski čynoŭnik dadaŭ, što pierakidka pažarnych u zonu kantrolu, dzie bušujuć pažary, vielmi ryzykoŭnaja.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary