Finskaja hazieta paviedamiła pra nierealizavany płan prodažu Karelii Rasijaj
Pra toje, što ŭ Kramli ŭ 1991 hodzie abmiarkoŭvałasia mahčymaść adpaviednaj ździełki i navat jaje mierkavanaja suma ŭ pamiery 15 miljardaŭ dalaraŭ, 21 lipienia paviedamiła finskaja hazieta Helsingin Sanomat sa spasyłkaj na tahačasnaha namieśnika ministra zamiežnych spraŭ Rasii Andreja Fiodarava. Toj zajaviŭ, što palityčnaje kiraŭnictva Rasii pracavała na hetaj temaj «za začynienymi dźviaryma».
Akramia taho, pavodle Fiodarava, tady ž rasijskija ŭłady nibyta rychtavali śpis rehijonaŭ i nasielenych punktaŭ, čyje prablemy, mahčyma, nieabchodna budzie vyrašać ź mižnarodnaj dapamohaj. U pieralik, akramia Karelii, uvajšli Kurylskija vyspy, Kalininhradskaja vobłaść i Pytałaŭski rajon Pskoŭskaj vobłaści, jaki da 2007 hoda byŭ abjektam terytaryjalnych pretenzij z boku Łatvii.
Ideja prodažu Karelii ŭźnikła z-za niedachopu srodkaŭ, adnak užo ŭ 1994 hodzie hetaje pytańnie było zakryta kančatkova, śćviardžaje dypłamat.
U svaju čarhu były dziaržaŭny sakratar pry prezidencie Rasii Barysie Jelcynie Hienadź Burbulis paviedamiŭ RBK, što rasijskaje kiraŭnictva nikoli nie staviła pytańnie ab prodažy Respubliki Karelija Finlandyi.
U 2007 hodzie inšaja finskaja hazieta Kainuun Sanomat sa spasyłkaj na ananimnyja krynicy paviedamlała, što prezident Finlandyi Maŭna Kojvista (u 1982-1994 hadach) atrymlivaŭ ad uładaŭ Rasii prapanovu ab kupli Karelii. Vydańnie zajaŭlała, što finskija ŭłady admovilisia ad ździełki, paličyŭšy jaje zanadta darahoj dla krainy — pryjšłosia b płacić nie tolki hrošy za ziamlu, ale i adnaŭlać tam ekanomiku i razburanuju savieckim panavańniem infrastrukturu.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma19
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary