Turcyja, Čarnahoryja, Hrecyja — dzie hetym letam adpačyvajuć biełaruskija sielebryci FOTY
Hetym letam mnohija biełaruskija artysty i spartoŭcy zastalisia ŭ Minsku: u płany ŭmiašalisia Jeŭrapiejskija hulni. Ale niekatoryja paśpieli vybracca ŭ adpačynak.
Śpiavačka i dyzajnierka Volha Barabanščykava adpraviłasia na mora. U červieni byłaja tenisistka vybrała dla adpačynku Turcyju — piacizorkavy kurort niepadalok ad Bodruma. «My znachodzimsia ŭ takim pryhožym, spakojnym miescy, što časam navat nie vierycca, što heta Turcyja», — pisała jana.
Da mora Volha Barabanščykava pajechała razam z dačuškaj Aelitaj.
Zaraz dyzajnierka znachodzicca ŭ Pałanzie. Uspaminaje, jak la Bałtyjskaha mora prachodzili tenisnyja turniry i atrymlivaje asałodu ad śpievu ptušak i šeptu chvalaŭ.
Śpiavak Dźmitryj Kałdun razam ź siamjoj vybraŭsia ŭ Čarnahoryju, adkul vykidaje piaščotnyja foty z dačkoj.
Śpiavačka Ziena, jakaja sioleta pradstaŭlała Biełaruś na Jeŭrabačańni, pajechała ŭ Izrail. «Ja chacieła dumać, što ja ŭ pivie, ale nie, u mory», — padpisała adno z adpusknych fota 16-hadovaja sielebryci.
Himnastka Mielicina Staniuta adpačyvaje ŭ Hrecyi. Dzielicca z padpisantami fota pryhožaha zachadu sonca i svaimi zdymkami ŭ kupalniku na plažy.
Televiadučaja Nadzieja Cimafiejeva dla adpačynku taksama vybrała Afiny. Znajomiłasia ź miascovymi plažami i historyjaj.
Televiadučy Dzianis Kurjan razam ź dziećmi vybraŭsia ŭ Bierlin. «Adkryvać nanoŭ ź dziećmi harady, u jakich užo, zdavałasia b, usio viedaješ, — klovaja zaduma», — padzialiŭsia jon.
Jašče adna viadučaja biełaruskaha TB Lucyja Hieraščanka — bolš viadomaja mnohim jak Lusia Łuščyk — adpačyvaje ŭ Vieniecyi. Miarkujučy pa sacsietkach, z kulturnaj prahramaj: ekskursii, kancert Vivaldzi.
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ9
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1919
Kamientary