Rasija nie razhladaje prośbu Biełarusi ab vydzialeńni kredytu ŭ 100 miljardaŭ rubloŭ u abmien na pierachod na raźliki ŭ rublach va ŭzajemnym handli, zajavili ŭ Minfinie RF.
Rasija nie razhladaje prośbu Biełarusi ab vydzialeńni kredytu ŭ 100 miljardaŭ rubloŭ u abmien na pierachod na raźliki ŭ rublach va ŭzajemnym handli,zajaviŭ 24 studzienia žurnalistam namieśnik ministra finansaŭ RF Dźmitryj Pankin.
«U ich byli ŭ listach ličby — 100 miljardaŭ rubloŭ, my heta navat nie razhladajem», — cytuje čynoŭnika Minfina RIA Novosti.
Jon nahadaŭ, što raniej rasijski bok zhadziŭsia vydzielić Biełarusi kredyt u abjomie 2 miljardy dołaraŭ, ź jakich adzin miljard u listapadzie 2008 hoda pastupiŭ u rasparadžeńnie Minska.
Pankin paviedamiŭ, što druhaja častka kredytu budzie pieradadziena Biełarusi paśla padpisańnia płana sumiesnych dziejańniaŭ dźviuch krain pa pieraadoleńni nastupstvaŭ suśvietnaha finansavaha kryzisu.
«Ciapier idzie abmierkavańnie płana sumiesnych dziejańniaŭ pa pieraadoleńni kryzisu. Budzie padpisany płan sumiesnych dziejańniaŭ, tady piarojdziem da druhoj častki kredytu — jašče miljard», — skazaŭ jon.
Dziaržaŭny kredyt RF dadzieny Biełarusi na 15 hadoŭ pa staŭcy LIBOR plus 3% hadavych z adterminoŭkaj pahašeńnia asnoŭnaha doŭha na piać hadoŭ. Heta ŭžo druhi rasijski kredyt dla Biełarusi — u 2007 hodzie RF vydzieliła krainie kredyt na 1,5 miljarda dołaraŭ na 15 hadoŭ pad staŭku LIBOR plus 0,75%, taksama ź piacihadovaj adterminoŭkaj płaciažu pa asnoŭnym doŭhu.
Abjom tavaraabarotu Rasii i Biełarusi, pavodle źviestak rasijskaj statystyki, pavialičyŭsia ŭ 2008 hodzie bolš čym na 40% u paraŭnańni z papiarednim hodam i, zhodna z prahnozami, dasiahnie rekordnaha ŭzroŭniu ŭ 33 miljardy dołaraŭ.
Ciapier čytajuć
Čamu amierykancy tak irvucca na Miesiac, što tam buduć zdabyvać? I što da taho biełarusam? Tłumačyć biełaruski astrafizik1
Kamientary