U administracyi prezidenta Ukrainy adkazali na zakidy Uładzimira Zialenskaha, što deputaty Viarchoŭnaj Rady i sam Parašenka zaciahvajuć spravu inaŭhuracyi. Taksama Zialenski paraŭnaŭ dziejnaha kiraŭnika krainy z turystam u jehipieckim hateli, jaki nijak nie choča adtul vysialacca.
«Prezident Ukrainy Piatro Parašenka z pavahaj stavicca i da vybaru ŭkraincaŭ, i pazicyi vyšejšaha zakanadaŭčaha orhana. Dla jaho prymalnaja lubaja data inaŭhuracyi, jakuju vyznačyć Viarchoŭnaja Rada, pakolki heta adnosicca da jaje kampietencyi», — adznačajecca na staroncy Administracyi prezidenta.
«Ukraina — heta nie numar u jehipieckim hateli, jak zdajecca spadaru Zialenskamu. Pieradača ŭłady — heta składany i adkazny praces. I Piatro Parašenka imkniecca ažyćciavić jaho zhodna ź jeŭrapiejskaj tradycyjaj, tak jak heta pryniata ŭ demakratyčnych krainach. Tamu jon paćviardžaje svajo zaprašeńnie Uładzimiru Zialenskamu, ahučanaje jašče 30 krasavika — nie čakajučy inaŭhuracyi, pravieści sustrečy dla taho, kab abmierkavać najvažniejšyja pytańni žyćciadziejnaści krainy, roŭna jak i lubyja inšyja pytańni, źviazanyja ź pieradačaj paŭnamoctvaŭ i adkaznaści», — havorycca z adkazie.
Kamientary