Pavodle infarmacyi pres-centra Biełaruskaj čyhunki, z 27 krasavika 2019 hoda budzie pavialičany košt prajezdu na ciahniki pamiž Biełaruśju i Ukrainaj.
U zaležnaści ad adlehłaści pa terytoryi Ukrainy i abranaj katehoryi vahonaŭ dla pajezdki košt prajezdu pavialičycca na 16—29%.
Tak, naprykład, košt prajezdu ŭ firmiennym ciahniku №86 Minsk—Kijeŭ u kupejnym vahonie (biez charčavańnia) pavialičycca na 16% abo 20,72 rubla i składzie 154,35 rubla, u płackartnym vahonie — na 16%, abo 13,07 rubla i składzie 95,99 rubla.
Košt prajezdu ŭ chutkim ciahniku №94 Minsk—Adesa ŭ kupejnym vahonie pavialičycca na 29% abo 54,80 rubla i składzie 243,74 rubla, u płackartnym vahonie — na 29%, abo 34,63 rubla i składzie 153,72 rubla.
Pavyšeńnie koštaŭ na kvitki patłumačyli tym, što AT «Ukrzaliznycia» pavialičvaje košt prajezdu pa terytoryi Ukrainy ŭ mižnarodnych ciahnikach, jakija iduć z krain SND, Hruzii, Łatvijskaj Respubliki, Litoŭskaj Respubliki i Estonskaj Respubliki.
Padrabiaznuju infarmacyju pra košt prajezdu ŭ ciahnikach, jakija iduć praz Ukrainu, možna atrymać na aficyjnym interniet-sajcie Biełaruskaj čyhunki www.rw.by, pa telefonie Kantakt-centra 105 abo ŭ čyhunačnych kasach.
-
Ź Biełarusi ŭ Rasiju sprabavali niezakonna vyvieźci pad tonu rahoŭ
-
Na zapraŭcy pad Minskam kavu nalivaje robat-barysta. Nakolki heta zručna?
-
«Nie zabirajcie ŭ dziaciej sa śmiarotnym dyjahnazam apošniaje!» Blizkija chvorych na rak dziaciej źviarnulisia da Łukašenki z prośbaj nie źniščać fond «KinderVita»
Aryštavany 75‑hadovy Źmicier Sańko — vieteran-vydaviec3
Kamientary