U MZS Biełarusi ličać, što Kurapaty pavinny być dobraŭparadkavanym miemaryjałam. Ale dobraŭparadkoŭvać treba «akuratna, pa-čałaviečy». Pra heta žurnalistam zajaviŭ kiraŭnik MZS Uładzimir Makiej, piša Tut.by.
Nahadajem, ranicaj 4 krasavika supracoŭniki Baraŭlanskaha lashasa pačali znosić i vyvozić kryžy ŭ Kurapatach. Heta 70 kryžoŭ, jakija Źmicier Daškievič pastaviŭ letam razam ź inšymi aktyvistami uzdoŭž lesu.
Jak raspaviali Tut.by try nie źviazanyja pamiž saboj krynicy, paśla znosu kryžoŭ MZS Biełarusi pravioŭ sustreču ź jeŭrapiejskimi dypłamatami, kab patłumačyć situacyju z Kurapatami.
Sustreča, pavodle słoŭ Uładzimira Makieja, prachodziła pa inicyjatyvie MZS, jaki «paličyŭ nieabchodnym zaprasić dypłamataŭ, kab patłumačyć im niekatoryja momanty, kab nie ŭźnikała niejkich niepatrebnych zdahadak ci niapravilnych asacyjacyj».
— Zrazumieła, što šmat ludziej u hramadstvie, u kožnaha svajo mierkavańnie. I pa-roznamu my hladzim na padziei, što adbyvajucca ŭ nas u krainie i za miažoj. Ale važna znachodzić punkty sudakranańnia, a nie staracca i dalej pahłyblać hetuju kanfrantacyju, — skazaŭ Makiej.
Pa słovach ministra, dypłamatam na sustrečy «daviali aficyjnuju pazicyju».
— Kurapaty pavinny być miemaryjałam, miemaryjał pavinien być dobraŭparadkavany. I mnie zdajecca, z punktu hledžańnia narmalnaj ahulnačałaviečaj łohiki zusim apraŭdana, kab heta było miesca, kudy mahli b pryjści, chto choča, pakłanicca, addać daninu pamiaci tym, chto tam byŭ rasstralany i chto tam pachavany. Što tyčycca pytańniaŭ dobraŭparadkavańnia, luby čałaviek padtrymaje heta. My daviali pasłam, akredytavanym u Biełarusi, pazicyju ŭrada krainy, — ličyć kiraŭnik MZS.
— Ale ci pavinna dobraŭparadkavańnie ŭklučać u siabie znos kryžoŭ, jakija byli ŭstalavanyja za narodnyja hrošy?
— U nas jość adpaviednaje zakanadaŭstva ab zachavanaści pomnikaŭ i pamiatnych miescaŭ, treba hladzieć, ci było vykanana zakanadaŭstva pry ŭstaloŭcy tych ci inšych zbudavańniaŭ. Viadoma, pastupać treba akuratna, pa-čałaviečy. Ale tut, ja liču, punktu hledžańnia nadańnia hetamu miescu takoj značnaści, sapraŭdnaha narodnaha miemaryjała, treba zrabić usio, kab heta miesca było aharodžana z usich bakoŭ, kab ludzi mahli zajści ŭnutr, pamalicca, — skazaŭ Uładzimir Makiej.
Ciapier čytajuć
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty9
DFR kašmaryć transpartnikaŭ: u vialikich łahistyčnych apierataraŭ kryminalnyja spravy, vobšuki i aryšty
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary